A Resolución da Axencia Galega de Innovación do 28 de maio de 2018 (DOG núm. 119, do 8 de xuño) estableceu as bases reguladoras para a concesión, en réxime de concorrencia competitiva, das subvencións para a consolidación de unidades mixtas de investigación aliñadas cos retos estratéxicos e prioridades identificados na RIS3 para Galicia, e procedeu á súa convocatoria para o ano 2018.

Os artigos 3 e 4 desta resolución de convocatoria establecen os requisitos que deben cumprir, respectivamente, os beneficiarios e as unidades mixtas de investigación para poder optar ás axudas.

A comisión de selección prevista no artigo 16 das bases reguladoras, reunida o 5 de novembro de 2018, elaborou unha proposta de financiamento das solicitudes por orde decrecente da puntuación acadada, tendo en conta os informes de valoración emitidos polos avaliadores.

No artigo 20 da convocatoria regúlanse a resolución e notificación destas axudas unha vez que a comisión de selección seleccione as solicitudes admitidas e emita un informe no cal se concreten o resultado da avaliación efectuada e a contía da axuda proposta, conforme os criterios establecidos nos artigos 17 e 18.

De acordo con isto,

RESOLVO:

Conceder as axudas para a consolidación das unidades mixtas de investigación que figuran como anexo a esta resolución por orde decrecente de puntuación, por un importe total de 2.598.103,94 euros, coa seguinte distribución:

Aplicación orzamentaria	Ano 2018 (€)	Ano 2019 (€)	Ano 2020 (€)	Ano 2021 (€)	Total (€)
09.A3.561A.781.0	55.213,50	584.788,62	610.782,76	570.035,57	1.820.820,45
09.A3.561A.744.0	750,00	234.000,00	276.133,49	266.400,00	777.283,49
Total	55.963,50	818.788,62	886.916,25	836.435,57	2.598.103,94

O pagamento destas axudas realizarase conforme o establecido no artigo 27 da resolución de convocatoria.

Para a xustificación da subvención deberá presentarse a documentación indicada no artigo 26 da convocatoria nos prazos establecidos no punto 2 do citado artigo (modificado pola Resolución do 15 de outubro de 2018, publicada no DOG núm. 201, do 22 de outubro).

Contra esta resolución, sen prexuízo de que os interesados poidan exercer calquera outro que consideren procedente, poderán interpoñer recurso de alzada no prazo dun mes desde o día seguinte ao da publicación desta resolución no Diario Oficial de Galicia, perante o presidente da Axencia Galega de Innovación.

Santiago de Compostela, 13 de novembro de 2018

Patricia Argerey Vilar
Directora da Axencia Galega de Innovación

ANEXO

Solicitudes concedidas

Nº de expediente	Representante UMI	NIF	Integrantes UMI	Denominación UMI	% axuda	Feder	Orzamento subvencionable Subvención	Ano 2018 (€)	Ano 2019 (€)	Ano 2020 (€)	Ano 2021 (€)	Total (€)	Aplicación orzamentaria
IN853B-2018/01	Cetaqua Galicia	G70312020	Cetaqua Galicia Viaqua Gestión Integral de Aguas de Galicia, S.A.U.	CIGAT-Biofactoría	30 %	Si	Orzamento total	40.000,00	580.000,00	630.000,00	610.000,00	1.860.000,00	09.A3.561A.781.0
							Subvención	12.000,00	174.000,00	189.000,00	183.000,00	558.000,00
IN853B-2018/02	Universidade da Coruña	Q6550005J	UDC Navantia, S.A.S.M.E.	UMI UDC-Navantia «O estaleiro do futuro»	30 %	Si	Orzamento total	2.500,00	780.000,00	920.444,98	888.000,00	2.590.944,98	09.A3.561A.744.0
							Subvención	750,00	234.000,00	276.133,49	266.400,00	777.283,49
IN853B-2018/04	Fundación CTAG	G36871424	CTAG Viza Automoción, S.A.	Unidade Mixta de Investigación Viza-CTAG	30 %	Si	Orzamento total	137.725,00	742.685,00	736.585,00	636.540,00	2.253.535,00	09.A3.561A.781.0
							Subvención	41.317,50	222.805,50	220.975,50	190.962,00	676.060,50
IN853B-2018/03	Fundación Instituto de Investigación Sanitaria de Santiago de Compostela	G15796683	FIDIS Roche Farma, S.A.	Unidade Mixta Roche-CHUS para oncoloxía de precisión	30 %	Si	Orzamento total	6.320,00	626.610,39	669.357,53	653.578,57	1.955.866,49	09.A3.561A.781.0
							Subvención	1.896,00	187.983,12	200.807,26	196.073,57	586.759,95