Eu, Blanca Susana Janeiro Amela, letrada da Administración de xustiza do Xulgado do Social número 4 de Pontevedra, fago saber que por resolución ditada no día da data no proceso seguido por instancia de María Isabel Garea Valiñas, María Esther Gómez Ferro, María Fernández Silva, Margarita de la Encarnación Gómez Moure, María Pilar Moimenta Costoya, Inés Martínez Neira, Josefa I. Barreiro Troitiño, contra Fondo de Garantía Salarial, Pescados Carbia, S.L., en reclamación por ordinario, rexistrado co número de procedemento ordinario 353/2018, se acordou, en cumprimento do que dispón o artigo 59 da LXS, citar a Pescados Carbia, S.L., en ignorado paradoiro, co fin de que compareza o día 23.5.2019, ás 10.30 e 10.35 horas, na planta primeira, sala 6, edificio da Audiencia, para a celebración dos actos de conciliación e, se é o caso, xuízo. Poderá comparecer persoalmente ou mediante persoa legalmente apoderada e deberá acudir con todos os medios de proba de que se intente valer, coa advertencia de que é única convocatoria e de que os actos non se suspenderán por falta inxustificada de asistencia.

Advírtese o destinatario de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

En caso de que pretenda comparecer no acto de xuízo asistido de avogado ou representado tecnicamente por graduado social colexiado, ou representado por procurador, porá esta circunstancia en coñecemento do xulgado ou tribunal por escrito, dentro dos dous días seguintes ao da súa citación para o xuízo, co obxecto de que, unha vez trasladada esta intención ao demandante, poida este estar representado tecnicamente por graduado social colexiado, ou representado por procurador, designar avogado noutro prazo igual ou solicitar a súa designación a través da quenda de oficio. A falta de cumprimento destes requisitos supón a renuncia da parte ao dereito de se valer no acto de xuízo de avogado, procurador ou graduado social colexiado.

E para que lle sirva de citación a Pescados Carbia, S.L., expídese esta cédula para a súa publicación no Diario Oficial de Galicia e colocación no taboleiro de anuncios.

Pontevedra, 6 de novembro de 2018

A letrada da Administración de xustiza