O Decreto 120/1998, do 23 de abril (Diario Oficial de Galicia do 27 de abril), regula a orientación educativa e profesional na Comunidade Autónoma de Galicia.
O artigo 1, alínea 2, deste decreto establece que nos colexios de educación infantil e primaria, e nos colexios de educación primaria, nas condicións que a Consellería de Educación, Universidade e Formación Profesional, determine, crearase un departamento de orientación que abranguerá no seu ámbito de actuación, ademais do propio centro, aqueloutros centros incompletos da mesma zona de escolarización. Este departamento estará coordinado por unha/un mestra/mestre responsable da orientación educativa, que exercerá as súas funcións como xefa/xefe do dito departamento.
Pola súa parte, o artigo 13 do referido decreto establece que a Consellería de Educación, Universidade e Formación Profesional cubrirá o posto de traballo do responsable do departamento de orientación naqueles colexios de educación infantil e primaria ou de educación primaria que se determine, a través dun concurso de méritos específico entre o persoal funcionario do corpo de mestres. Considérase criterio preferente estar en posesión dunha das seguintes titulacións: doutoramento ou licenciatura en psicopedagoxía, doutoramento, licenciatura ou grao en pedagoxía ou en psicoloxía, doutoramento ou licenciatura en filosofía e ciencias da educación (especialidade de psicoloxía ou ciencias da educación) ou en filosofía e letras (especialidade de pedagoxía ou psicoloxía), tal como figura na alínea a) do artigo 4 do dito decreto.
Na disposición derradeira primeira do Decreto 120/1998, autorízase a Consellería de Educación, Universidade e Formación Profesional para ditar cantas disposicións sexan precisas para a execución e desenvolvemento do que nel se establece.
Na súa virtude, esta Consellería de Educación, Universidade e Formación Profesional,
DISPÓN:
Primeira. Obxecto
Convocar concurso de traslados específico entre o persoal funcionario docente do corpo de mestres para cubrir prazas de xefatura do departamento de orientación en colexios públicos de educación infantil e primaria ou de educación primaria.
Segunda. Vacantes que se convocan
As prazas que se cubrirán neste concurso son as que aparecen no anexo II desta orde, e as resultas que se poidan producir nos centros que aparecen no anexo III.
As prazas dos centros de orientación compartida (OC) solicitaranse co código do centro base que é o centro que aparece no primeiro lugar.
Tanto os departamentos de orientación únicos como os departamentos de orientación compartidos abrangueran no seu ámbito de actuación os centros que, se é o caso, se lles adscriban.
Sen prexuízo do establecido no parágrafo anterior, no anexo II relaciónanse os centros que previsiblemente terán adscritos no curso académico 2019/20.
Terceira. Requisito de acreditación de coñecemento da lingua galega
Será requisito imprescindible posuír o certificado de lingua galega 4 (Celga 4), ou ter superado o curso de perfeccionamento de lingua galega, ou ter a validación correspondente ou telo superado a través de proba libre ou posuír o nivel avanzado da Escola Oficial de Idiomas. Para estes únicos efectos, entenderase que reúnen este requisito as persoas que superasen a proba de coñecemento da lingua galega no procedemento selectivo de acceso ao corpo de mestres.
Cuarta. Poderán participar na presente convocatoria
a) O persoal funcionario de carreira do corpo de mestres que estea en situación de servizo activo con destino definitivo en centros dependentes da Consellería de Educación, Universidade e Formación Profesional, sempre que, de conformidade co establecido na disposición adicional sexta 6 da Lei orgánica 2/2006, do 3 de maio, de educación, e no artigo 12.1 do Real decreto 1364/2010, do 29 de outubro, transcorresen ao remate do presente curso académico polo menos dous anos desde a toma de posesión do último destino definitivo.
b) Así mesmo, poderá participar o persoal funcionario de carreira do corpo de mestres en expectativa de destino nun centro dependente da Consellería de Educación, Universidade e Formación Profesional.
c) O persoal funcionario de carreira do corpo de mestres/as que, estando adscrito a prazas no exterior, deba incorporarse ao ámbito territorial de xestión da Consellería de Educación, Universidade e Formación Profesional no curso 2019/20.
d) O persoal funcionario de carreira do corpo de mestres dependente da Consellería de Educación, Universidade e Formación Profesional que estea en situación de excedencia por coidado de familiares ou servizos especiais.
e) O persoal funcionario que estea en situación de excedencia voluntaria concedida pola Consellería de Educación, Universidade e Formación Profesional da Xunta de Galicia. Se se trata do suposto de excedencia voluntaria por interese particular recollida no artigo 173 da Lei 2/2015, do 29 de abril, do emprego público de Galicia, só poderán participar se, ao finalizar o curso escolar en que se realice a convocatoria, transcorrese un ano desde que pasaron a esta situación e dous anos desde que obtivo o destino definitivo en que lle foi concedida, se for o caso, a excedencia.
Quinta. Forma de participación
1. A solicitude cubrirase a través da internet, empregando o portal educativo da Consellería de Educación, Universidade e Formación Profesional, no enderezo: www.edu.xunta.es/cxt
Lémbrase que, para acceder a este servizo web, é preciso ter conta de correo electrónico no dominio edu.xunta.es polo que, quen non a teña, deberá solicitala a través da páxina web https://www.edu.xunta.es/contausuario/
2. Persoal que completou o expediente persoal na base de datos.
Ao acceder á aplicación informática do concurso, o persoal que incorporou os datos persoais conforme a petición que lle foi formulada no seu momento pola Subdirección Xeral de Recursos Humanos encontrarase cos méritos alegados que foron validados, verá os méritos que lle son baremables e os que non son considerados para os efectos de baremo, e ofreceráselle unha puntuación para o concurso.
Nos números 6.1 e 6.3 do anexo I desta convocatoria, o persoal que participou no concurso de traslados convocado pola Orde do 8 de novembro de 2010 (DOG do 16 de novembro), ou pola Orde do 3 de novembro de 2011 ou pola Orde do 24 de outubro de 2012 ou seguintes concorrerá coa puntuación que lle foi outorgada pola comisión de avaliación. Poden presentar para a súa consideración novos méritos que estean perfeccionados con posterioridade ao remate do prazo de presentación de solicitudes da última convocatoria pola que participaron.
Sen prexuízo do anterior, con carácter excepcional, o persoal interesado poderá renunciar á puntuación total dunha das epígrafes relacionadas e debe, neste caso, volver alegar os méritos da dita epígrafe ou epígrafes e presentar todos os documentos xustificativos deles.
De estar conforme co baremo que se lle propón e non querer alegar ningún novo mérito, imprimirase a solicitude e presentarase conforme as normas xerais recollidas na base sexta.
De alegar algún novo mérito, farase constar na base de datos, imprimirá a solicitude e a folla de alegacións que xera a propia aplicación informática e xunto coa documentación xustificativa a que fai referencia no anexo I, entregaraa conforme ás normas recollidas na base sexta.
3. Persoal que non completou o expediente persoal na base de datos.
Ao acceder á aplicación informática do concurso, o persoal que non incorporou os datos persoais encontrarase con todos os datos que a Consellería de Educación, Universidade e Formación Profesional ten informatizados do seu expediente persoal, verá cales deles son considerados para os efectos de concurso e cales non, e a puntuación que lle corresponde por cada subepígrafe do baremo en función dos datos que constan no expediente, agás nos puntos 6.1 e 6.3 do anexo I desta convocatoria.
De estar o expediente incompleto, o persoal concursante interesado completarao na base de datos e imprimirá a solicitude e a folla de alegacións que xera a propia aplicación informática e, xunto coa documentación xustificativa a que se fai referencia no anexo I, entregaraas conforme as normas recollidas na base sexta.
4. En todo caso, o persoal participante no concurso que alegue méritos nos puntos 6.1 e 6.3 do anexo I imprimirá a folla correspondente a estes méritos da aplicación informática e xunto cos documentos xustificativos, remitiraa, dentro do prazo establecido na base común sétima, á comisión avaliadora sita na Inspección Educativa de Santiago de Compostela, rúa da Besada, San Lázaro, 107, código postal 15703.
5. Cando as novas alegacións sexan validadas pola comisión baremadora aparecerá na aplicación informática do concurso de traslados a nova baremación resultante dos méritos alegados.
6. A solicitude dirixirase á Dirección Xeral de Centros e Recursos Humanos da Consellería de Educación, Universidade e Formación Profesional.
7. Todas as copias que se remitan deberán ir acompañadas das dilixencias de compulsa, expedidas polas direccións dos centros, do Rexistro Xeral ou das xefaturas territoriais da Consellería de Educación, Universidade e Formación Profesional. Non se admitirá ningunha copia que careza da dilixencia de compulsa.
8. A Consellería de Educación, Universidade e Formación Profesional poderá requirirlle ao interesado ou interesada, en calquera momento, a xustificación daqueles méritos alegados que non fosen acreditados debidamente.
Sexta. Presentación de solicitudes
As solicitudes dirixiranse á Dirección Xeral de Centros e Recursos Humanos da Consellería de Educación, Universidade e Formación Profesional e poderán presentarse:
a) No Rexistro Xeral da Xunta de Galicia.
b) Nos rexistros provinciais dos departamentos territoriais da Xunta de Galicia.
c) Na secretaría do centro educativo no que presta servizos o persoal concursante.
d) En calquera dos lugares previstos no artigo 16.4 da Lei 39/2015, do 1 de outubro, do procedemento administrativo común das administracións públicas.
Sen prexuízo do anterior, deberá terse en conta que para outros efectos distintos do concurso de traslados, as secretarías dos centros docentes non son unha das oficinas en que poden presentarse documentos dirixidos a calquera organismo público.
Sétima. Prazo de solicitudes
O prazo de presentación de solicitudes e documentos será de 15 días hábiles computados a partir do día seguinte ao da publicación desta orde no Diario Oficial de Galicia. Finalizado este prazo non se admitirá ningunha nova solicitude nin a modificación das presentadas.
Oitava
O persoal asinante da solicitude deberá manifestar nela, de modo expreso, que reúne os requisitos exixidos na convocatoria, consignando os centros que solicita por orde de preferencia, cos números de código que figuran nos anexos II e III da presente orde.
Novena. Data na que deben reunirse os requisitos de participación e de méritos
Todos os requisitos que se exixen nesta convocatoria e os méritos que alegue o persoal participante teranse cumpridos ou recoñecidos na data de terminación do prazo de presentación de solicitudes, agás o requisito de dous anos de permanencia no destino definitivo desde o que se solicita, que se contabilizarán o 31 de agosto de 2019.
Décima
Non serán tidos en conta os méritos non alegados nas solicitudes nin tampouco aqueles que non se xustifiquen documentalmente durante o seu prazo de presentación.
Décimo primeira. Dereito preferente
O persoal docente que se acolla ao dereito preferente farao constar na súa solicitude, indicando a causa na que apoian a súa petición.
Para os efectos de adxudicación de prazas só se terá en conta o seguinte dereito preferente:
Terán dereito preferente, a centro, localidade ou zona, o persoal funcionario docente do corpo de mestres ao que se lle suprimise o seu posto de traballo, sempre que continúen nesa situación e non perdese o dereito preferente consonte a normativa que regula o concurso de traslados e o persoal funcionario docente do corpo de mestres desprazado por falta de horario, entendendo por desprazado o persoal docente que non ten ningunha hora de docencia da súa especialidade, que posúa algunha das seguintes titulacións: doutoramento ou licenciatura en psicopedagoxía, doutoramento, licenciatura ou grao en pedagoxía, ou en psicoloxía, doutoramento ou licenciatura en filosofía e ciencias da educación (especialidade de psicoloxía ou ciencias da educación) ou en filosofía e letras (especialidade de pedagoxía ou psicoloxía) ou que fose diplomado nas escolas universitarias de psicoloxía ata 1974.
Cando existan varias mestras ou mestres que exercen o dereito preferente, adxudicarase tendo en conta o establecido para os concursos xerais de traslados.
Décimo segunda. Prioridade na adxudicación das prazas
Para a provisión das prazas que se cubrirán neste concurso, cando non se adxudiquen a través dos méritos preferentes establecidos na base décimo primeira, terán prioridade as mestras ou mestres que posúan algunha das titulacións relacionadas na citada base. No suposto de concorrer máis dun aspirante, dirimiranse pola aplicación do baremo establecido no anexo I.
No caso de se produciren empates no total das puntuacións, estes resolveranse, atendendo sucesivamente a maior puntuación en cada unha das alíneas do baremo establecido no anexo I, pola orde na que aparecen nel. Se persistise o empate atenderase á puntuación obtida nas distintas subalíneas pola orde, igualmente, que aparece no dito baremo. Para estes efectos, deberá terse en conta que, naquelas alíneas ou subalíneas do baremo para as cales se estableza unha puntuación máxima, a puntuación outorgada aos concursantes non poderá superala. De resultar necesario, utilizarase sucesivamente como último criterio de desempate o ano no que se convocou o procedemento selectivo a través do que se ingresou no corpo e a puntuación coa que resultou seleccionado.
Décimo terceira. Comisión de avaliación
1. Para a avaliación dos méritos alegados polos concursantes, no que se refire aos puntos 6.1 e 6.3 do anexo I desta orde, a Dirección Xeral de Centros e Recursos Humanos da Consellería de Educación, Universidade e Formación Profesional designará a mesma comisión que resulte para o concurso de traslados de ámbito autonómico.
A asignación de puntuación que corresponde as persoas concursantes, polos restantes puntos do baremo de méritos, será realizada por persoal destinado na Subdirección Xeral de Recursos Humanos ou por unha comisión constituída por funcionarias ou funcionarios destinadas na Subdirección Xeral de Recursos Humanos da Consellería de Educación, Universidade e Formación Profesional. Estas comisións estarán cualificadas na categoría primeira, para os efectos do previsto no Decreto 144/2001, do 7 de xuño (DOG do 25 de xuño), modificado polo Decreto 144/2008, do 26 de xuño (DOG do 18 de xullo).
2. Poderá asistir ás reunións da comisión avaliadora dos méritos relativos aos puntos 6.1 e 6.3 do baremo un representante de cada organización sindical con presenza na mesa sectorial docente non universitaria, con voz e sen voto.
Décimo cuarta. Resolución provisional do concurso
Unha vez recibidas na Consellería de Educación, Universidade e Formación Profesional as actas da comisión avaliadora, coas puntuacións asignadas ao persoal concursante, procederase, conforme as peticións e os méritos do persoal participante, á adxudicación provisional dos destinos e farase pública na páxina web desta consellería (www.edu.xunta.gal/).
Décimo quinta. Reclamacións e renuncias
O persoal concursante poderá presentar reclamacións á resolución provisional, a través do órgano no que presentaron a súa solicitude de participación, no prazo de dez días hábiles contados desde o día seguinte ao da súa publicación na páxina web da consellería.
Sen prexuízo do parágrafo anterior, o persoal concursante poderá presentar reclamacións á puntuación outorgada, con anterioridade á resolución provisional do concurso, unha vez que se fagan públicas na páxina web desta consellería.
Igualmente e, no mesmo prazo, o persoal concursante poderá presentar renuncia á súa participación no concurso entendendo que tal renuncia afecta todas as peticións consignadas na súa instancia de participación.
As persoas que desexen renunciar á súa participación no concurso deberán realizar a renuncia, aínda no suposto de que non obtivesen destino na resolución provisional, xa que, de non o facer, poderán obter destino na resolución definitiva.
Décimo sexta. Resolución definitiva
Consideradas, se é o caso, as reclamacións e renuncias a que se refire a base anterior, a Dirección Xeral de Centros e Recursos Humanos procederá a ditar a resolución definitiva da adxudicación. A dita resolución publicarase no Diario Oficial de Galicia e na páxina web desta consellería (www.edu.xunta.gal).
Contra esta resolución o persoal interesado poderá interpoñer recurso de reposición no prazo dun mes, contado a partir do día seguinte ao da súa publicación no DOG, segundo o disposto nos artigos 123 e 124 da Lei 39/2015, do procedemento administrativo común das administracións públicas.
Décimo sétima. Toma de posesión
O persoal funcionario docente do corpo de mestres que acade destino neste concurso exercerá a xefatura do departamento de orientación con carácter definitivo e tomará posesión con efectividade do 1 de setembro de 2019.
Décimo oitava. Desprazamento aos centros adscritos
O persoal funcionario docente do corpo de mestres que resulte adscrito ás xefaturas dos departamentos de orientación dos colexios de educación infantil e primaria e dos colexios de educación primaria está obrigado a desprazarse, ademais de aos centros compartidos, aos centros que se lle adscriba, conforme ao establecido no Decreto 120/1998, do 23 de abril.
Décima novena. Constitución dos departamentos de orientación
Nos colexios públicos de educación infantil e primaria e nos de educación primaria nos que a praza de xefatura do Departamento de Orientación sexa provista na resolución da presente convocatoria constituirase o departamento de Orientación que terá a composición establecida no artigo 4 do Decreto 120/1998, do 23 de abril, polo que se regula a orientación educativa e profesional na Comunidade Autónoma de Galicia.
Disposición adicional primeira
O persoal funcionario docente do corpo de mestres que estean participando simultaneamente nesta convocatoria e na realizada pola Orde do 15 de outubro de 2018, pola que se convoca concurso de traslados de ámbito autonómico entre o persoal funcionario docente do corpo de mestres, e que obteña praza definitiva da xefatura do departamento de orientación, entenderase que renuncia á participación no concurso xeral.
Disposición adicional segunda
Contra esta orde poderá interpoñerse recurso contencioso-administrativo nos prazos e forma establecidos na Lei reguladora da xurisdición contencioso-administrativa.
Santiago de Compostela, 26 de novembro de 2018
Carmen Pomar Tojo
Conselleira de Educación, Universidade e Formación Profesional
ANEXO I
Baremo
|
Méritos |
Valoración |
Documentos xustificativos |
|
1. Antigüidade. |
Folla de servizos expedida pola administración educativa competente ou título administrativo ou credencial con dilixencias das distintas tomas de posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal. |
|
|
1.1. Antigüidade no centro. 1.1.1. Por cada ano de permanencia ininterrompida como persoal funcionario con destino definitivo no centro desde o que concursa. Para os efectos deste subpunto unicamente serán computables os servizos prestados como persoal funcionario no corpo ou corpos a que corresponda a vacante. |
||
|
Polo primeiro e segundos ano: A fracción de ano computarase a razón de 0,1666 puntos por cada mes completo. |
2,0000 puntos por ano |
|
|
Polo terceiro ano: A fracción de ano computarase a razón de 0,3333 puntos por cada mes completo. |
4,0000 puntos |
|
|
Polo cuarto ano e seguintes: A fracción de ano computarase a razón de 0,5000 puntos por cada mes completo. |
6,0000 puntos por ano |
|
|
Para a valoración do subpunto 1.1.1 teranse en conta as seguintes situacións: – Considérase como centro desde o que se participa no concurso aquel a cuxo equipo pertenza o aspirante con destino definitivo, ou no que se estea adscrito, sempre que esta situación implique perda do seu destino docente, sendo unicamente computables por este subpunto os servizos prestados como persoal funcionario no corpo a que corresponda a vacante. – Nos supostos de persoal funcionario docente en adscrición temporal en centros públicos españois no estranxeiro, ou en supostos análogos, a puntuación deste subpunto virá dada polo tempo de permanencia ininterrompida na devandita adscrición. Seguirase este mesmo criterio cos que foron nomeados para postos ou outros servizos de investigación e apoio á docencia da Administración educativa sempre que o nomeamento supuxese a perda do seu destino docente. Cando se cese na adscrición e se incorpore como provisional á súa administración educativa de orixe, entenderase como centro desde o que se participa, o destino servido en adscrición, ao cal se acumularán, se é o caso, os servizos prestados provisionalmente, con posterioridade en calquera outro centro. – Cando se participe desde a situación de provisionalidade por suprimírselle a praza ou posto que se viña desempeñado con carácter definitivo, por perder o seu destino en cumprimento de sentenza ou resolución de recurso, ou por provir da situación de excedencia forzosa, considerarase como centro desde o que se participa o último servido con carácter definitivo, ao cal se acumularán, se é o caso, os prestados provisionalmente, con posterioridade, en calquera centro. Así mesmo, terán dereito, ademais, a que se lles acumulen ao centro de procedencia os servizos prestados con carácter definitivo no centro inmediatamente anterior ao último servido con carácter definitivo. Se é o caso, a devandita acumulación estenderase aos servizos prestados con carácter definitivo nos centros que, sucesivamente, lles foron suprimidos. No suposto de que non se desempeñase outro destino definitivo distinto do suprimido, terá dereito a que se lle acumulen ao centro de procedencia os servizos prestados con carácter provisional antes da obtención deste; neste caso a puntuación que se outorgará axustarase ao disposto no subpunto 1.1.2 do baremo. O disposto nos dous parágrafos anteriores será igualmente de aplicación aos que participen no concurso por perder o seu destino en cumprimento de sanción disciplinaria de traslado forzoso con cambio de localidade de destino. – Nos supostos de primeiro destino definitivo obtido tras a supresión da praza ou posto que se viña desempeñando anteriormente con carácter definitivo, consideraranse como servizos prestados no centro desde o que se concursa, os servizos que se acrediten no centro en que se lles suprimiu a praza e, se é o caso, os prestados con carácter provisional con posterioridade á citada supresión. Este mesmo criterio aplicarase aos que obtivesen o primeiro destino tras perder o anterior por cumprimento de sentenza, resolución de recurso ou por provir da situación de excedencia forzosa. |
||
|
1.1.2. Por cada ano como persoal funcionario de carreira en situación de provisionalidade, sempre que se participe desde esta situación: A fracción de ano computarase a razón de 0,1666 puntos por cada mes completo. Cando se trate de persoal funcionario de carreira que participe por primeira vez con carácter voluntario desde o seu primeiro destino definitivo obtido por concurso, á puntuación correspondente ao subpunto 1.1.1 sumaráselle a obtida por este subpunto. Unha vez obtido un novo destino, non poderá acumularse esta puntuación. |
2,0000 puntos |
Folla de servizos expedida pola Administración educativa competente ou título administrativo ou credencial con dilixencias das distintas tomas de posesións e cesamentos que tivese desde o seu nomeamento como funcionaria ou funcionario de carreira ou, se é o caso, dos correspondentes documentos de inscrición nos rexistros de persoal. |
|
1.1.3. Por cada ano como persoal funcionario en praza, posto ou centro que teña a cualificación de especial dificultade (ver disposición complementaria segunda). A fracción de ano computarase a razón de 0,1666 puntos por cada mes completo. Esta puntuación engadirase á puntuación obtida polos subpuntos 1.1.1 ou 1.1.2. Non obstante, non se computará para estes efectos o tempo que se permanecese fóra do centro en situación de servizos especiais, en comisión de servizos, con licenzas por estudos ou en supostos análogos. |
2,0000 puntos |
– Folla de servizos expedidos pola Administración educativa competente, acompañada dunha certificación expedida por esta, acreditativa de que a praza, posto ou centro, ten esa cualificación ou – Certificación da Administración educativa competente onde conste a data de comezo e fin da prestación efectiva dos servizos prestados na devandita praza, posto ou centro, especificándose que teñen a cualificación de especial dificultade. |
|
1.2. Antigüidade no corpo. |
||
|
1.2.1. Por cada ano de servizos efectivos prestados en situación de servizo activo como persoal funcionario no corpo ou corpos ao que corresponda a vacante: as fraccións de ano computaranse a razón de 0,1666 puntos por cada mes completo. |
2,0000 puntos |
Folla de servizos expedida pola Administración educativa competente ou título administrativo ou credencial con dilixencias das distintas tomas de posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal. |
|
1.2.2. Por cada ano de servizos efectivos como persoal funcionario noutros corpos docentes a que se refire a LOE do mesmo ou superior subgrupo: as fraccións de ano computaranse a razón de 0,1250 puntos por cada mes completo. |
1,5000 puntos |
Folla de servizos expedida pola administración educativa competente ou título administrativo ou credencial con dilixencias das distintas tomas de posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal. |
|
1.2.3. Por cada ano de servizos efectivos como persoal funcionario noutros corpos docentes a que se refire a LOE de subgrupo inferior: As fraccións de ano computaranse a razón de 0,0625 puntos por cada mes completo. |
0,7500 puntos |
Folla de servizos expedida pola administración educativa competente ou título administrativo ou credencial con dilixencias das distintas tomas de posesións e cesamentos que tivese desde o seu nomeamento como funcionaria ou funcionario ou, se é o caso, dos correspondentes documentos de inscrición nos rexistros de persoal. |
|
– Nos supostos recollidos neste número 1, ao persoal funcionario de carreira dos corpos de catedráticos de ensino secundario, de escolas oficiais de idiomas e de artes plásticas e deseño, para os efectos de antigüidade tanto no centro como no corpo, valoraránselles os servizos prestados como persoal funcionario dos correspondentes corpos de profesores, así como os prestados como persoal funcionario dos antigos corpos de catedráticos de bacharelato, de escolas oficiais de idiomas e de profesores de termo de artes plásticas e de oficios artísticos. – Os servizos aludidos nos subpuntos 1.2.2 e 1.2.3 non serán tidos en conta nos anos en que fosen simultáneos entre si ou cos servizos dos subpuntos 1.1.1 ou 1.1.2. |
||
|
– Para os efectos dos subpuntos 1.1.1, 1.1.2, 1.2.1, 1.2.2 e 1.2.3, serán computados os servizos que se prestasen en situación de servizos especiais, expresamente declarados como tales nas epígrafes previstas no artigo 87 do TRLEBEP aprobado polo Real decreto lexislativo 5/2015, do 30 de outubro, así como as situacións de idéntica natureza establecidas por disposicións anteriores á citada lei. Igualmente serán computados, para estes efectos, o tempo de excedencia por coidado de familiares declarada de acordo co artigo 89.4 da citada Lei 7/2007, do 12 de abril, que non poderá exceder os tres anos. |
||
|
2. Pertenza aos corpos de catedráticos. Por ser persoal funcionario de carreira dos corpos de catedráticos de ensino secundario, de música e artes escénicas, de escolas oficiais de idiomas e de artes plásticas e deseño. |
5,0000 puntos |
Folla de servizos expedida pola administración educativa competente onde conste a pertenza ao corpo de catedráticos ou fotocopia compulsada do título administrativo ou credencial ou, se é o caso, o boletín ou diario oficial en que apareza o seu nomeamento. |
|
3. Méritos académicos: Para os efectos da súa valoración por esta epígrafe, unicamente se terán en conta os títulos universitarios oficiais con validez no Estado español. (Ver disposición complementaria terceira). |
Máximo 10 puntos |
|
|
3.1. Doutoramento, posgraos e premios extraordinarios: |
||
|
3.1.1. Por posuír o título de doutor: |
5,0000 puntos |
Fotocopia compulsada do título ou certificación do aboamento dos dereitos de expedición do titulo ou certificado supletorio da titulación expedidos de acordo co previsto, se é o caso, na Orde do 8 de xullo de 1988 para a aplicación dos reais decretos 185/1985, do 23 de xaneiro, e 1496/1987, do 6 de novembro, en materia de expedición de títulos universitarios oficiais (BOE do 13 de xullo) ou na Orde ECI/2514/2007, do 13 de agosto, sobre expedición de títulos universitarios oficiais de máster e doutor (BOE do 21 de agosto) ou no Real decreto 1002/2010, do 5 de agosto, sobre expedición de títulos universitarios oficiais (BOE do 6 de agosto). |
|
3.1.2. Polo título universitario oficial de máster distinto do requirido para o ingreso á función pública docente, para cuxa obtención se exixisen, polo menos, 60 créditos. |
3,0000 puntos |
|
|
3.1.3. Polo recoñecemento de suficiencia investigadora, ou o certificado-diploma acreditativo de estudos avanzados. Este mérito non se valorará cando sexa alegado o título de doutor. |
2,0000 puntos |
Fotocopia compulsada do certificado-diplomada correspondente. |
|
3.1.4. Por obter premio extraordinario no doutoramento, na licenciatura ou grao ou, no caso das titulacións outorgadas polos conservatorios superiores de música, pola mención honorífica no grao superior. |
1,0000 puntos |
Fotocopia compulsada da súa documentación xustificativa. |
|
3.2. Outras titulacións universitarias: As titulacións universitarias de carácter oficial, no caso de que non fosen as exixidas con carácter xeral para o ingreso no corpo desde o que se participa, valoraranse da forma seguinte: |
||
|
3.2.1. Titulacións de grao: polo título universitario oficial de grao ou equivalente. |
5,0000 puntos |
A mesma documentación xustificativa que se indica para xustificar os méritos do subpunto 3.1.1. |
|
3.2.2. Titulacións de primeiro ciclo: pola segunda e restantes diplomaturas, enxeñarías técnicas, arquitecturas técnicas ou títulos declarados legalmente equivalentes e polos estudos correspondentes ao primeiro ciclo dunha licenciatura, arquitectura ou enxeñaría: no caso de persoal funcionario docente do subgrupo A2, non se valorará por esta epígrafe, en ningún caso, o primeiro título ou estudos desta natureza que se presente. No caso de persoal funcionario docente do subgrupo A1, non se valorarán por esta epígrafe, en ningún caso, o título ou estudos desta natureza que fose necesario superar para a obtención do primeiro título de licenciado, enxeñeiro ou arquitecto que se presente. Non se valorarán os primeiros ciclos que permitisen a obtención doutras titulacións académicas de ciclo longo que se aleguen como méritos. |
3,0000 puntos |
Fotocopia compulsada de todos os títulos que se posúan ou certificado do aboamento dos dereitos de expedición expedida de acordo co previsto na Orde do 8 de xullo de 1988 (BOE do 13 de xullo). Para a valoración dos estudos correspondentes ao primeiro ciclo dunha licenciatura, arquitectura ou enxeñaría, certificación académica onde conste de forma expresa que se superaron todas as materias ou créditos conducentes para a obtención dos devanditos títulos ou ciclos. |
|
3.2.3. Titulacións de segundo ciclo: polos estudos correspondentes ao segundo ciclo de licenciaturas, enxeñarías, arquitecturas ou títulos declarados legalmente equivalentes: no caso de persoal funcionario docente do subgrupo A1, non se valorarán por esta epígrafe, en ningún caso, os estudos desta natureza que fose necesario superar (primeiro ciclo, segundo ciclo, ou, se é o caso, ensinanzas complementarias), para a obtención do primeiro título de licenciado, enxeñeiro ou arquitecto que se presente. As titulacións de só segundo ciclo e os títulos declarados equivalentes para todos os efectos ao título universitario de licenciado unicamente se valorarán como un segundo ciclo. |
3,0000 puntos |
|
|
3.3. Titulacións de ensinanzas de réxime especial e da formación profesional: as titulacións de ensinanzas de réxime especial outorgadas polas escolas oficiais de idiomas, conservatorios profesionais e superiores de música e danza e escolas de arte, así como as da formación profesional, caso de non ser as exixidas como requisito para ingreso na función pública docente ou, se é o caso, que non fosen necesarias para a obtención do título alegado, valoraranse da forma seguinte: |
|
Para valorar os certificados das escolas oficiais de idiomas e título profesional de música ou danza: fotocopia compulsada do certificado/título que se posúa ou, se é o caso, certificación acreditativa da expedición do devandito título ou certificación acreditativa de ter superado os estudos conducentes a súa obtención. Para valorar as titulacións da epígrafe e) deberá presentarse certificación académica na que conste de forma expresa que se superaron todas as materias ou créditos conducentes á obtención dos devanditos títulos. |
|
a) Por cada certificado de nivel C2 do Consello de Europa: |
4,0000 puntos |
|
|
b) Por cada certificado de nivel C1 do Consello de Europa: |
3,0000 puntos |
|
|
c) Por cada certificado de nivel B2 do Consello de Europa: |
2,0000 puntos |
|
|
d) Por cada certificado de nivel B1 do Consello de Europa: |
1,0000 punto |
|
|
Cando proceda valorar as certificacións sinaladas nos puntos anteriores, só se considerará a de nivel superior que presente o participante. |
||
|
e) Por cada título de técnico superior de artes plásticas y diseño, técnico deportivo superior ou técnico superior de formación profesional ou equivalente: |
2,0000 puntos |
|
|
f) Por cada título profesional de música ou danza: |
1,5000 puntos |
|
|
4. Desempeño de cargos directivos e outras funcións: (ver disposición complementaria cuarta). |
Máximo 20 puntos |
|
|
4.1. Por cada ano como director/a de centros públicos docentes, en centros de profesores e recursos ou institucións análogas establecidas polas administracións educativas nas súas convocatorias específicas, así como director/a de agrupacións de lingua e cultura españolas: a fracción de ano computarase a razón de 0,3333 puntos por cada mes completo. |
4,0000 puntos |
Folla de servizos expedida pola administración educativa competente en que consten as tomas de posesión e cesamento nos devanditos cargos ou fotocopia compulsada do nomeamento, con dilixencia de posesión e cesamento ou, se é o caso, certificación en que conste que na data de finalización do prazo de presentación de solicitudes se continúa no cargo. |
|
4.2. Por cada ano como vicedirector/a, subdirector/a, xefe/a de estudos, secretario/a e asimilados en centros públicos docentes: a fracción de ano computarase a razón de 0,2083 puntos por cada mes completo. |
2,5000 puntos |
|
|
4.3. Outras funcións docentes: |
Ata 5,0000 puntos |
|
|
Por cada ano como coordinador/a de ciclo, coordinador/a do proxecto Abalar, asesor Amtega, coordinador de centro plurilingüe, coordinador de sección bilingüe, coordinador de auxiliares de conversa, responsable/coordinador do equipo de actividades complementarias e extraescolares, responsable/coordinador da dinamización das TIC, responsable/coordinador de biblioteca, responsable/coordinador da convivencia escolar, responsable da mellora da calidade educativa e de programas internacionais, coordinador do equipo de dinamización da lingua galega, coordinador de formación en centros de traballo, coordinador do bacharelato internacional, coordinador de emprendemento, coordinador de programas internacionais, coordinador de innovación e formación do profesorado, coordinador de biblioteca de centro integrado, coordinador de residencia, xefe/a de seminario, departamento ou división de centros públicos docentes, asesor/a de formación permanente, asesor Abalar, asesor/a Siega, asesor/a da Consellería de Educación, Universidade e Formación Profesional ou director/a dun equipo de orientación educativa e psicopedagóxica, así como polo desempeño da función titorial exercida a partir da entrada en vigor da LOE. A fracción de ano computarase a razón de 0,0833 puntos por cada mes completo. |
1,0000 puntos |
Folla de servizos expedida pola administración educativa competente na que consten as tomas de posesión e cesamento nas devanditas funcións, ou fotocopia compulsada do nomeamento, con dilixencia de posesión e cesamento ou, se é o caso, certificación en que conste que na data de finalización do prazo de presentación de solicitudes se continúa desempeñando a función docente. |
|
Polos subpuntos 4.1, 4.2, 4.3, 6.4 e 6.6 só se valorará o seu desempeño como persoal funcionario. No caso de que se desempeñase simultaneamente máis dun destes cargos ou funcións, non poderá acumularse a puntuación valorándose o que puidese resultar máis vantaxoso para o concursante. Para estes efectos, no caso de persoal funcionario de carreira dos corpos de catedráticos de ensino secundario, de escolas oficiais de idiomas e de artes plásticas e deseño, teranse en conta os servizos prestados nos devanditos cargos como persoal funcionario dos correspondentes corpos de profesores, incluídos os prestados como persoal funcionario dos antigos corpos de catedráticos de bacharelato, catedráticos de escolas oficiais de idiomas e profesores de termo de escolas de artes aplicadas e oficios artísticos. |
||
|
5. Formación e perfeccionamento: |
Máximo 10 puntos |
|
|
5.1. Actividades de formación superadas: por actividades superadas que teñan por obxecto o perfeccionamento sobre aspectos científicos e didácticos das especialidades do corpo a que pertenza o participante, as prazas ou postos a que opte ou relacionadas coa organización escolar ou coas tecnoloxías aplicadas á educación, organizadas polo Ministerio de Educación, as administracións educativas das comunidades autónomas, por institucións sen ánimo de lucro, sempre que as devanditas actividades fosen homologadas ou recoñecidas polas administracións educativas, así como as organizadas polas universidades. Puntuaranse con 0,1000 puntos por cada 10 horas de actividades de formación acreditadas. Para estes efectos, sumaranse as horas de todas as actividades, non puntuándose o resto do número de horas inferiores a 10. Cando as actividades veñan expresadas en créditos, entenderase que cada crédito equivale a 10 horas. |
Ata |
Fotocopia compulsada do certificado destas expedido pola entidade organizadora en que conste de modo expreso o número de horas de duración da actividade. No caso das organizadas polas institucións sen ánimo de lucro deberase, ademais, acreditar fidedignamente o recoñecemento ou homologación das devanditas actividades pola administración educativa correspondente, ou certificado de inscrición no rexistro de formación da Administración educativa. |
|
5.2. Pola impartición das actividades de formación e perfeccionamento indicadas no subpunto 5.1. Puntuarase con 0,1000 puntos por cada 3 horas de actividade de formación acreditadas. Para estes efectos, sumaranse as horas de todas as actividades, non puntuándose o resto de número de horas inferiores a 3. Cando as actividades viñan expresadas en créditos, entenderase que cada crédito equivale a 10 horas. |
Ata |
Fotocopia compulsada do certificado ou documento acreditativo da impartición da actividade, en que conste de modo expreso o número de horas de duración da actividade. No caso das organizadas polas institucións sen ánimo de lucro, deberase, ademais, acreditar fidedignamente o recoñecemento ou homologación das ditas actividades pola administración educativa correspondente, ou certificado de inscrición no rexistro de formación da Administración educativa. |
|
5.3. Por cada especialidade de que sexa titular correspondente ao corpo polo que se concursa e distinta á de ingreso neste, adquirida a través do procedemento de adquisición de novas especialidades previstos no Real decreto 850/1993, do 4 de xuño, 334/2004, do 27 de febreiro, e 276/2007, do 23 de febreiro. (Para os efectos deste subpunto, no caso dos corpos de catedráticos valoraranse as especialidades adquiridas no correspondente corpo de profesores). |
1,0000 punto |
Fotocopia compulsada da credencial de adquisición da nova especialidade expedida pola Administración educativa correspondente. |
|
6. Outros méritos: |
Máximo 15 puntos |
|
|
6.1. Publicacións: por publicacións de carácter didáctico e científico sobre disciplinas obxecto do concurso ou directamente relacionadas con aspectos xerais do currículo ou coa organización escolar. Aquelas publicacións que, estando obrigadas a consignar o ISBN, en virtude do disposto polo Decreto 2984/1972, do 2 de novembro, modificado polo Real decreto 2063/2008, do 12 de decembro, ou, se é o caso, ISSN ou ISMN, carezan deles, non serán valoradas, así como aquelas en que o autor sexa o seu editor. Para a valoración destas publicacións deberanse presentar os documentos xustificativos indicados neste subpunto coas exixencias que así se indican. Puntuación específica asignable aos méritos baremables por esta epígrafe: a) Libros nos seus distintos formatos (papel ou electrónico): – Autor …….....………….....….. ata 1,000 punto. – Coautor …………...........….... ata 0,5000 puntos. – 3 autores ………........…….… ata 0,4000 puntos. – 4 autores …….…................... ata 0,3000 puntos. – 5 autores ………….…........... ata 0,2000 puntos. – Máis de 5 autores …........... . ata 0,1000 puntos. b) Revistas nos seus distintos formatos (papel ou electrónico): – Autor …………………............. ata 0,2000 puntos. – Coautor ……....……................ ata 0,1000 puntos. – 3 ou máis autores …............… ata 0,0500 puntos. |
Ata 8,0000 puntos |
– No caso de libros, a seguinte documentación: • Os exemplares correspondentes ou copias simples. • Certificado da editorial onde conste: título do libro, autor/es, ISBN, depósito legal e data da primeira edición, o número de exemplares e que a difusión destes foi en librarías comerciais. En relación cos libros editados por administracións públicas e universidades (públicas-privadas) que non se difundiron en librarías comerciais, ademais dos datos anteriores, no certificado debe constar o título do libro, autor/es, data da primeira edición, o número de exemplares, os centros de difusión (centros educativos, centros de profesores, institucións culturais, etc.). Nos supostos en que a editorial ou asociación desaparecesen, os datos requiridos neste certificado deberán xustificarse por calquera medio de proba admisible en dereito. – No caso de revistas, a seguinte documentación: • Os exemplares correspondentes ou copias simples. • Certificado en que conste: o número de exemplares, lugares de distribución e venda, ou asociación científica ou didáctica, legalmente constituída, a que pertence a revista, título da publicación, autor/es, ISSN ou ISMN, depósito legal e data de edición. En relación coas revistas editadas por administracións públicas e universidades (públicas-privadas), que non se difundiron en establecementos comerciais, no certificado debe constar o título da revista, autor/es, data da primeira edición, o número de exemplares, os centros de difusión (centros educativos, centros de profesores, institucións culturais, etc.). – No caso de publicacións que soamente se dan en formato electrónico, presentarase un informe no cal o organismo emisor certificará que a publicación aparece na correspondente base de datos bibliográfica. Neste documento indicarase a base de datos, o título da publicación, os autores, o ano e a URL. |
|
6.2. Por premios de ámbito autonómico, nacional ou internacional convocados polo Ministerio de Educación ou polas administracións educativas das comunidades autónomas. Pola participación en proxectos de investigación ou innovación no ámbito da educación. |
Ata 2,5000 puntos |
A acreditación xustificativa de ter obtido os premios correspondentes, expedida polas entidades convocantes, ou de ter participado nos proxectos de investigación ou innovación expedidos pola administración educativa correspondente. |
|
6.3. Méritos artísticos e literarios: – Por premios en exposicións ou en concursos ou en certames de ámbito autonómico, nacional ou internacional. – Por composicións ou coreografías estreadas como autor ou gravacións con depósito legal. – Concertos como director, solista, bailarín/a, solista na orquestra ou en agrupacións camerísticas (dúos, tríos, cuartetos…). – Por exposicións individuais ou colectivas. |
Ata 2,5000 puntos |
No caso de exposicións: programas onde conste a participación do interesado e certificación da entidade organizadora. No caso dos premios: certificado da entidade que emite o premio, onde conste o nome do premiado/s, o seu ámbito e a categoría do premio. No caso das composicións: certificado ou documento acreditativo en que figure que é o autor e o depósito legal desta. No caso das gravacións: certificado ou documento acreditativo en que figure que é o autor ou intérprete e o depósito legal desta. No caso dos concertos: programas onde conste a participación do interesado e certificación da entidade organizadora, onde conste a realización do concerto e a participación como director/a, solista ou solista con orquestra/grupo. |
|
6.4. Por cada ano de servizo desempeñando postos na Administración educativa de nivel de complemento de destino igual ou superior ao asignado ao corpo polo cal participa. A fracción de ano computarase a razón de 0,1200 puntos por cada mes completo. |
1,5000 puntos |
Fotocopia compulsada do nomeamento expedido pola Administración educativa competente con dilixencia de posesión e cesamento ou, se é o caso, certificación de que na data de finalización do prazo de presentación de solicitudes se continúa no posto. |
|
6.5. Por cada convocatoria en que se actuase efectivamente como membro dos tribunais dos procedementos selectivos de ingreso ou acceso aos corpos docentes a que se refire a LOE. Por este subpunto unicamente se valorará ter formado parte dos tribunais a partir da entrada en vigor do Real decreto 276/2007, do 23 de febreiro (BOE do 2 de marzo). |
0,500 puntos |
Certificado expedido polo órgano da Administración educativa convocante que teña a custodia das actas dos tribunais destes procedementos. |
|
6.6. Por cada curso de titorización das prácticas do título universitario oficial de máster ou, se é o caso, da formación equivalente regulada pola Orde EDU/2645/2011, do 23 de setembro (BOE do 5 de outubro), para acreditar a formación pedagóxica e didáctica exixida para exercer a docencia en determinadas ensinanzas do sistema educativo, así como pola titorización das prácticas para a obtención dos títulos universitarios de grao que o requiran. |
0,1000 puntos |
Certificado expedido pola Administración educativa competente ou, se é o caso, do director do centro público docente en que se realizase a titorización, con indicación do curso académico e duración das prácticas. |
|
7. Outros méritos relacionados co posto: |
||
|
7.1. Por ter a habilitación/especialización en pedagoxía terapéutica ou en audición e linguaxe: 2 puntos por especialidade. 7.2. Pola cooordinación do departamento de orientación ou polo desempeño da xefatura do departamento de orientación nun centro: 2 puntos por ano. As fraccións de ano computaranse a razón de 0,1666 puntos por cada mes completo. 7.3. Por cada ano de servizo na especialidade de pedagoxía terapéutica ou audición e linguaxe: 1 punto por ano. As fraccións de ano computaranse a razón de 0,0833 puntos por cada mes completo. 7.4. Os anos de servizo activo nos EPSA ou nos EOE ou no Gabinete Psicopedagóxico da Consellería: 2 puntos por ano. As fraccións de ano computaranse a razón de 0,1666 puntos por cada mes completo. |
Fotocopia cotexada dos documentos acreditativos. Fotocopia cotexada dos documentos acreditativos Nomeamento e cesamento correspondente. Nomeamento e cesamento correspondente. |
|
Disposición complementaria primeira
Os méritos alegados polas persoas participantes teranse cumpridos ou recoñecidos na data de terminación do prazo de presentación de solicitudes. Unicamente se valorarán, polo tanto, os méritos perfeccionados e acreditados ata a finalización deste.
Disposición complementaria segunda. Antigüidade
Procederá asignar puntuación polo subpunto 1.1.3 as persoas participantes no concurso que se encontren nas seguintes situacións:
a) As persoas que participen no concurso conforme o subpunto 1.1.1 con destino definitivo en praza, posto ou centro de especial dificultade.
b) As persoas que participen no concurso conforme o subpunto 1.1.2 e durante o tempo de provisionalidade que estivesen nunha praza, posto ou centro de especial dificultade.
c) As persoas participantes dos subpuntos 1.1.1 e 1.1.2 que teñan concedida unha comisión de servizos noutra praza, posto ou centro que teña a cualificación de especial dificultade.
Disposición complementaria terceira. Méritos académicos
1. Para poder obter puntuación por outras titulacións universitarias de carácter oficial, deberá presentarse fotocopia compulsada de cantos títulos se posúan, incluído o alegado para ingreso no corpo.
2. No que respecta á baremación de titulacións de primeiro ciclo, non se entenderá como tal a superación dalgún dos cursos de adaptación. Para a valoración do subpunto 3.2, non se considerarán como títulos distintos, as diferentes mencións que se asenten nunha mesma titulación.
3. Nos subpuntos do 3.1 soamente se valorará un título por cada un deles. Non se baremará polo subpunto 3.1.2 ningún título de máster exixido para o ingreso na función pública docente. Así mesmo, para os efectos do subpunto 3.1.2, cando se alegue o título de doutor non se valorará o título de máster oficial que constitúa un requisito de acceso ao doutouramento.
4. Cando os títulos fosen obtidos no estranxeiro ou fosen expedidos por institucións docentes doutros países, deberá achegarse ademais a correspondente homologación.
5. Non se baremarán polos subpuntos 3.1 e 3.2 os títulos universitarios non oficiais que conforme a disposición adicional décimo primeira do Real decreto 1397/2007, do 29 de outubro, polo que se establece a ordenación das ensinanzas universitarias oficiais, sexan expedidos polas universitarias en uso da súa autonomía.
Disposición complementaria cuarta. Valoración dos cargos directivos e outras funcións
1. Para os efectos previstos nos subpuntos 4.1, 4.2 e 4.3 do baremo de méritos, consideraranse centros públicos asimilados aos centros públicos de ensino secundario os seguintes:
– Institutos de bacharelato.
– Instituto de formación profesional.
– Centros de educación de persoas adultas, sempre que impartan as mesmas ensinanzas que nos centros aos cales se refiren estes subpuntos.
– Centros de ensinanzas integradas.
Para estes mesmos efectos, considéranse centros públicos os que corresponden ás prazas dos corpos de catedráticos e profesores de música e artes escénicas de conservatorios de música:
– Conservatorios superiores de música ou danza.
– Conservatorios profesionais de música ou danza.
– Conservatorios elementais de música.
– Escolas superiores de artes dramáticas.
– Escola superior de canto.
Para estes mesmos efectos, considéranse centros públicos asimilados ás escolas de artes plásticas e deseño os seguintes:
– Escolas de artes aplicadas e oficios artísticos.
– Escolas de arte.
– Escolas de arte e superiores de deseño.
– Escolas superiores de deseño.
– Escolas de restauración e conservación de bens culturais.
2. Para os efectos previstos no subpunto 4.2 do baremo de méritos, consideraranse como cargos directivos asimilados aos centros públicos de ensino secundario os seguintes:
– Secretario adxunto.
– Os cargos aludidos neste punto desempeñados en seccións de formación profesional.
– Xefe de estudos adxunto.
– Xefe de residencia.
– Delegado do xefe de estudos de instituto de bacharelato ou similares en comunidades autónomas.
– Director-xefe de estudos de sección delegada.
– Director de sección filial.
– Director de centro oficial de padroado de ensino medio.
– Administrador en centros de formación profesional.
– Profesor delegado no caso da sección de formación profesional.
Disposición complementaria quinta
Os cursos de iniciación e perfeccionamento de galego e as súas validacións serán puntuables polo punto 5.1 deste anexo. Non se valorarán as validacións cando de forma simultánea se acredite a realización dos correspondentes cursos. Ao mesmo tempo, puntuaranse por este punto 5.1 os cursos de especialización.
Disposición complementaria sexta
O nivel avanzado de galego da escola oficial de idiomas, o ciclo superior e o certificado de aptitude puntuarán no punto 3.3 como nivel B2.
O nivel intermedio de galego da escola oficial de idiomas e o ciclo elemental puntuarán no punto 3.3 como nivel B1.
Disposición complementaria sétima
En relación coa puntuación dos puntos 6.1 e 6.3, non se baremarán publicacións que constitúan programacións didácticas, temarios de oposicións, traballos de materias de carreira, máster ou doutouramento, edicións de centros docentes e de formación do profesorado, publicacións de prensa nin artigos de opinión. Unha publicación só será valorada nunha das súas edicións. Aplicaranse os criterios de valoración establecidos pola comisión baremadora do concurso de traslados convocado pola Orde do 8 de novembro de 2010.
Disposición complementaria oitava
As actividades realizadas a partir do 23 de maio de 2013, relacionadas nos artigos 32 a 40 da Orde do 14 de maio de 2013, pola que se regula a convocatoria, o recoñecemento, a certificación e o rexistro de actividades de formación permanente do profesorado, para que sexan baremables no concurso de traslados deberán estar debidamente rexistradas no Rexistro Xeral das Actividades de Formación do Profesorado.
Disposición complementaria novena
Nos subpuntos 7.2, 7.3 e 7.4 baremaranse sempre e cando se prestasen servizos efectivos neses postos.
