Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 17 Xoves, 24 de xaneiro de 2019 Páx. 4607

VI. Anuncios

a) Administración autonómica

Axencia Turismo de Galicia

CÉDULA do 9 de xaneiro de 2019, da Área Provincial de Turismo de Ourense, pola que se notifica a incoación do expediente sancionador OU-S-67/2018 por infracción en materia de turismo.

De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle ao titular que no anexo se menciona a incoación do expediente sancionador OU-S-67/2018, xa que, intentada polo medio habitual, non se puido efectuar.

Neste mesmo acto designouse instrutor do expediente a Manuel Ledo Quintas. Os interesados poden promover a súa recusación en calquera momento da tramitación do procedemento, de conformidade co disposto no artigo 24 da Lei 40/2015, do 1 de outubro, de réxime xurídico do sector público (BOE núm. 236, do 2 de outubro).

A resolución deste expediente sancionador en materia de turismo correspóndelle á directora da Axencia Turismo de Galicia, segundo se dispón no artigo 26 dos estatutos da dita axencia, respecto do artigo 4 do Decreto 196/2012, do 27 de setembro, polo que se crea a citada axencia e se aproban os seus estatutos (DOG núm. 193, do 9 de outubro), en relación co artigo 119.1.a) da Lei 7/2011, do 27 de outubro, do turismo de Galicia.

De conformidade co disposto no artigo 124.1 da Lei 7/2011, do 27 de outubro, a resolución deste procedemento sancionador deberase notificar no prazo dun ano desde a data deste acordo.

O interesado dispón dun prazo de quince días, conforme o establecido no artigo 82.2 da citada Lei 39/2015, do 1 de outubro, para presentar, ante o instrutor do procedemento, para a súa incorporación a el, alegacións, documentos e informacións que xulgue convenientes e, se é o caso, propoñer que se leven a cabo os medios de proba de que pretenda valerse, advertíndolle que, de non formularen alegacións no prazo indicado, este acordo se considerará proposta de resolución, de conformidade co previsto no artigo 64.1 da dita lei.

De conformidade co establecido no artigo 85.3 da indicada Lei 39/2015, infórmase a persoa imputada de que a sanción sinalada no acordo de incoación poderá ser obxecto das seguintes reducións: o 20 % (no caso de que recoñeza a súa responsabilidade ou pague voluntariamente en calquera momento anterior á resolución) ou o 40 % (no caso de que recoñeza a súa responsabilidade e, ademais, pague voluntariamente en calquera momento anterior á resolución).

Ourense, 9 de xaneiro de 2019

Cecilio Santalices de la Escosura Mourille
Xefe da Área Provincial de Turismo de Ourense

ANEXO

Expediente: OU-S-67/2018.

Titular sancionado: Rosimar Medeiros de Freitas.

Establecemento: Orense Noite.

Domicilio: Boncomezo, s/n.

Localidade: Coles.

Incoación: 21 de novembro de 2018.

Precepto infrinxido: artigos 109.2.a ) e 109.2.c ) da Lei 7/2011, do 27 de outubro, de turismo de Galicia.

Sanción proposta: multa de 600,00 euros

Importe da multa coa redución do 20 % de desconto: 480 euros.

Importe da multa coa redución do 40 % de desconto: 360 euros.