BDNS (Identif.): 436829.
De conformidade co previsto nos artigos 17.3.b) e 20.8.a) da Lei 38/2003, do 17 de novembro, xeral de subvencións, publícase o extracto da convocatoria cuxo texto completo se pode consultar na Base de datos nacional de subvencións (http://www.pap.minhap.gob.es/bdnstrans/index).
Primeiro. Beneficiarios
Todos os concellos de Galicia.
Segundo. Obxecto
Regular o procedemento de concesión das axudas tramitadas ao abeiro do Plan de mellora de camiños municipais 2019-2020, dirixidas ao fomento de actuacións de ampliación, mellora ou mantemento dos camiños municipais dos concellos de Galicia.
Terceiro. Bases reguladoras
Resolución do 28 de decembro de 2018 para a concesión, mediante resolución, das axudas correspondentes ao Plan de mellora de camiños municipais 2019-2020.
Cuarto. Contía
A contía global da convocatoria é de 15.998.687 €, distribuída en dúas anualidades:
2019: 7.999.343,50 €.
2020: 7.999.343,50 €.
Quinto. Prazo de presentación de solicitudes
O prazo para presentar as solicitudes será dun (1) mes, contado a partir do día seguinte ao da publicación no DOG da Resolución do 28 de decembro de 2018 para a concesión, mediante resolución, das axudas correspondentes ao Plan de mellora de camiños municipais 2019-2020.
Entenderase como último día do prazo o correspondente ao mesmo ordinal do día da publicación. Se o último día do prazo for inhábil, entenderase prorrogado ao primeiro día hábil seguinte.
Sexto. Outros datos
A concesión de axudas tramitarase en réxime de concesión directa, ao abeiro do artigo 19.4.c) da Lei 9/2007, do 13 de xuño, de subvencións de Galicia, en relación cos artigos 36.1.c) e 40 do Decreto 11/2009, do 8 de xaneiro, polo que se aproba o regulamento da citada lei.
A porcentaxe de axuda calcularase sobre o importe dos gastos subvencionables ata o límite do importe asignado a cada concello.
Santiago de Compostela, 28 de decembro de 2018
Miguel Ángel Pérez Dubois
Director xeral da Axencia Galega de Desenvolvemento Rural