O Pleno da Corporación, en sesión que tivo lugar o 28 de xaneiro de 2019, adoptou o seguinte acordo:
«Primeiro. Estimar parcialmente a única alegación presentada o 29 de novembro de 2016 (número 6936) con base nos informes de secretaría emitidos e aprobar definitivamente o PEI para a construción de dous equipamentos públicos no Concello do Grove, redactado polo arquitecto José Antonio Comesaña García.
Segundo. Publicar este acordo no prazo dun mes desde a súa adopción no DOG, indicando as medidas adoptadas para o seu seguimento en relación cos efectos ambientais; o enderezo electrónico en que figurará o contido íntegro do PEI é o seguinte:
www.concellodogrove.es/pxom.php
Terceiro. Inscribir o PEI no Rexistro de Planeamento Urbanístico de Galicia unha vez publicado o acordo no DOG e proceder posteriormente á súa publicación íntegra no BOP de Pontevedra e no Portal de transparencia deste concello».
Así mesmo, en cumprimento do disposto no artigo 7.e) da Lei 19/2013, do 9 de decembro, de transparencia, acceso á información pública e bo goberno, publicarase o seu contido íntegro no Portal de transparencia vinculado a esta Administración local
(https://concellodogrove.sedelectronica.gal/transparency).
O Grove, 30 de xaneiro de 2019
José Antonio Cacabelos Rico
Alcalde