O 8 de abril de 2016 publicouse no Diario Oficial de Galicia núm. 67, a Orde do 1 de abril de 2016 pola que se fixan os prezos privados correspondentes á prestación de servizos nas instalacións xuvenís e á expedición de carnés dirixidos á mocidade, xestionados pola Dirección Xeral de Xuventude, Participación e Voluntariado.
A Orde do 1 de abril de 2016 regula no anexo I os prezos exixibles pola prestación de servizos e actividades en campamentos, albergues, residencias e demais instalacións de xuventude, xestionados pola Dirección Xeral de Xuventude, Participación e Voluntariado, da Consellería de Política Social.
O punto A.2 deste anexo I establece os prezos aplicables durante a Campaña de verán ás actividades promovidas pola Dirección Xeral de Xuventude, Participación e Voluntariado, en campamentos (A.2.1) e en albergues (A.2.2).
As tarifas para as actividades están sinaladas para quendas de doce e de oito días, cando as actividades da Dirección Xeral de Xuventude, Participación e Voluntariado ás que resultan de aplicación os citados prezos non sempre se axustan a esta duración.
En consecuencia, faise necesario fixar un prezo por día de actividade que resulte aplicable con independencia da súa duración e procede, polo tanto, modificar a Orde do 1 de abril de 2016 no devandito punto A.2 do anexo I, nos seus puntos 1 e 2.
Por iso, facendo uso das facultades que me confire o artigo 34.6 da Lei 1/1983, do 22 de febreiro, de normas reguladoras da Xunta e da súa Presidencia,
RESOLVO:
Artigo único. Modificación da Orde do 1 de abril de 2016 pola que se fixan os prezos privados correspondentes á prestación de servizos nas instalacións xuvenís e á expedición de carnés dirixidos á mocidade, xestionados pola Dirección Xeral de Xuventude, Participación e Voluntariado
Os puntos A.2.1. Campamentos e A.2.2. Albergues, do punto A.2 do anexo I da Orde do 1 de abril de 2016 pola que se fixan os prezos privados correspondentes á prestación de servizos nas instalacións xuvenís e á expedición de carnés dirixidos á mocidade, xestionados pola Dirección Xeral de Xuventude, Participación e Voluntariado, quedan redactados da seguinte maneira:
«A.2.1. Campamentos:
Tarifa en euros
Actividades náuticas
Por día .......................................................................................................................... 17,25
Actividades educativas, culturais, de voluntariado, ao aire libre, ambientais e lúdico-deportivas
Por día ..........................................................................................................................14,67
Actividades turístico-deportivas
Por día .......................................................................................................................... 17,25
A.2.2. Albergues:
Tarifa en euros
Actividades náuticas
Por día ..........................................................................................................................19,33
Actividades educativas, culturais, de voluntariado, ao aire libre, ambientais e lúdico-deportivas
Por día ............................................................................................................................ 18,5
Actividades turístico-deportivas
Por día ........................................................................................................................18,5 ».
Disposición derradeira única. Entrada en vigor
Esta orde entrará en vigor aos 20 días da súa publicación no Diario Oficial de Galicia.
Santiago de Compostela, 5 de febreiro de 2019
Fabiola García Martínez
Conselleira de Política Social