Unha vez presentada a renuncia da presidenta titular e dun vogal titular do tribunal encargado de cualificar o proceso selectivo para o ingreso no corpo auxiliar da Administración xeral da Comunidade Autónoma de Galicia, subgrupo C2, convocado pola Orde da Consellería de Facenda do 1 de marzo de 2018 (DOG núm. 47, do 7 de marzo), e de conformidade co establecido nas bases da convocatoria, esta consellería
DISPÓN:
Primeiro. Aceptar as renuncias presentadas por Sonia Rial Barreiro e Víctor Manuel Martínez Lago como presidenta e vogal titular, respectivamente, do tribunal encargado de cualificar o proceso selectivo para o ingreso no corpo auxiliar da Administración xeral da Comunidade Autónoma de Galicia, subgrupo C2.
Segundo. Nomear no seu lugar como presidente titular do dito tribunal a Xosé Inacio Palomanes Rodríguez, funcionario do corpo superior da Administración xeral da Comunidade Autónoma de Galicia, e como vogal titular a Mercedes Patricia Toubes Navarro, funcionaria do corpo superior da Administración xeral da Comunidade Autónoma de Galicia.
Santiago de Compostela, 12 de marzo de 2019
Valeriano Martínez García
Conselleiro de Facenda