No Boletín Oficial da provincia de Pontevedra (BOPPO), núm. 248, do 28 de decembro de 2018, publicouse o anuncio relativo ás bases, así como á convocatoria, que rexerán o proceso selectivo para o acceso a unha praza vacante de oficial da policía local do Concello do Porriño, integrada na OEP do ano 2016 e na súa modificación, polo procedemento de concurso de méritos no sistema de mobilidade horizontal para o acceso de funcionarios desde outros corpos da policía local da Comunidade Autónoma de Galicia.

O prazo de presentación de solicitudes será de vinte días naturais contados desde o día seguinte ao da publicación do anuncio no Boletín Oficial del Estado.

Os sucesivos anuncios deste proceso selectivo, cando procedan, realizaranse na forma prevista nas propias bases.

O Porriño, 25 de xaneiro de 2019

Manuel Carrera Punzón
Alcalde accidental