En cumprimento do artigo 70.2 do Real decreto lexislativo 5/2015, do 30 de outubro, polo que se aproba o texto refundido da Lei do estatuto básico do empregado público, faise público que, de acordo co artigo citado e co artigo 91 da Lei 7/1985, do 2 de abril, reguladora das bases de réximen local, mediante Decreto da Alcaldía 2019-101 do 19.3.2019, se aprobou a oferta de emprego público do Concello de Muras para o ano 2019, que comprende a praza vacante sinalada neste anuncio:
Persoal laboral:
Categoría laboral |
Especialidade |
Núm. vacantes |
Denominación |
Sistema de acceso |
II |
Traballador social |
1 |
Traballador social |
Oposición (Praza ocupada por indefinido non fixo por sentenza) |
Na mesma resolución fixouse como prazo máximo da convocatoria tres anos.
Contra este acordo de aprobación da oferta de emprego público, que pon fin á vía administrativa, poderase interpoñer o recurso potestativo de reposición, ante a Alcaldía, no prazo dun mes contado desde o seguinte ao da publicación do anuncio no Diario Oficial de Galicia, ao abeiro do establecido no artigo 124 da Lei 39/2015, do procedemento administrativo común das administracións públicas, ou ben directamente o recurso contencioso-administrativo, ante o Xulgado do Contencioso-Administrativo de Lugo, no prazo de dous meses contados desde o día seguinte ao da publicación, consonte o disposto nos artigos 8.1 e 46.1 da Lei 29/1998, do 13 de xuño, da xurisdicción contencioso-administrativa.
No caso de interpoñerse o recurso potestativo de reposición, deberase resolver e notificar no prazo dun mes segundo o establecido no artigo 124.2 da dita Lei 39/2015, entendéndose desestimado o recurso de reposición polo transcurso do dito prazo sen resolución expresa notificada, de conformidade co establecido na Lei 39/2015, podendo entón os interesados interpoñer recurso contencioso-administrativo no prazo de seis meses, contados desde o día seguinte a aquel en que se deba entender presuntamente desestimado o recurso de reposición interposto, consonte o establecido no artigo 46.1 e 4 da Lei 29/1998, reguladora da xurisdición contencioso-administrativa.
Non obstante, tamén se poderá interpoñer calquera outro recurso que os interesados consideren procedentes conforme a dereito.
Muras, 20 de marzo de 2019
Manuel Requeijo Arnejo
Alcalde