No Boletín Oficial da provincia nº 55, do 20 de marzo de 2019, publícanse as bases xerais e específicas de varios procesos selectivos convocados para cubrir as seguintes prazas e postos de traballo vacantes no cadro de persoal funcionario e laboral fixo da Deputación Provincial de Pontevedra, incluídos nas ofertas de emprego público dos anos 2016, 2017 e 2018:

– Unha praza de técnica ou técnico en ciencias da información, encadrada na escala de Administración especial, subescala técnica, clase técnico/a superior e integrada no grupo A1, por quenda libre.

– Unha praza de oficiala ou oficial electricista, encadrada na escala de Administración especial, subescala servizos especiais, clase persoal de oficios e integrada no grupo C2 por quenda libre.

– Un posto de traballo de persoal laboral fixo de técnica ou técnico en deseño e imaxe, clasificado no grupo A2, por quenda libre.

– Un posto de traballo de persoal laboral fixo de técnica ou técnico informático contidos web, clasificado no grupo C1, por quenda libre.

– Dous postos de traballo de persoal laboral fixo de auxiliar de información e xestión Tributaria do ORAL, clasificados no grupo C2, por quenda libre.

O prazo de presentación de solicitudes será de vinte (20) días naturais, contados desde o día seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia.

Pontevedra, 20 de marzo de 2019

A presidenta da Deputación Provincial de Pontevedra
P.D. (Resolución 2016007829, do 25.4.2016)
Carlos López Font
Deputado delegado da Área de Economía, Facenda e Réxime Interior