Visto o expediente para outorgamento da autorización administrativa previa e de construción da instalación eléctrica que a seguir se cita:
Solicitante: Barras Eléctricas Galaico-Asturianas, S.A.
Domicilio social: parque empresarial As Gándaras, rúa Ramón María Aller Ulloa, nº 9, 27003 Lugo.
Denominación: LMTS Burela 2, novo CT Solvia e RBTS para dar subministración a edificio na rúa Beiramar.
Situación: concello de Burela.
Características técnicas:
– LMT soterrada con orixe nun empalme realizado nunha arqueta existente situada diante do CT Castelao 26, entra e sae no CT Solvia (proxectado) e remata nunha cela existente do CT Castelao, cunha lonxitude de 250 metros en condutor RHZ1-240.
– CT non prefabricado Solvia, cunha potencia máxima admisible de 630 kVA e unha potencia instalada de 400 kVA, relación de transformación 20.000/400-230 V.
– Liña soterrada de baixa tensión con orixe no cadro de baixa tensión do CT Solvia e final nas CXP do edificio que se vai electrificar, formada por dous circuítos cunha lonxitude de 10 metros en condutor tipo RV-150 e RV-240.
Cumpridos os trámites ordenados na Lei 24/2013, do 26 de decembro (BOE núm. 310), do sector eléctrico e no título VII, capítulo II, do Real decreto 1955/2000, do 1 de decembro (BOE nº 310), polo que se regulan as actividades de transporte, distribución, comercialización, subministración e procedementos de autorización de instalacións de enerxía eléctrica, no Real decreto 337/2014, do 9 de maio, polo que se aproba o Regulamento sobre condicións técnicas e garantías de seguridade en instalacións eléctricas de alta tensión e as súas instrucións técnicas complementarias, e na Resolución do 19 de febreiro de 2014, da Dirección Xeral de Enerxía e Minas, pola que se aproba o procedemento de autorización administrativa de construción (DOG núm. 54, do 19 de marzo), esta xefatura territorial, tendo en conta a Lei 5/2017, do 19 de outubro, de fomento da implantación de iniciativas empresariais en Galicia e as competencias que resultan dos decretos 135/2017, do 28 de decembro, polo que se crea e establece a estrutura orgánica da consellería, e o Decreto 9/2017, do 12 de xaneiro, sobre órganos competentes para autorización de instalacións eléctricas na Comunidade Autónoma de Galicia, resolve:
Conceder a autorización administrativa previa e de construción ás ditas instalacións, cuxas características se axustarán en todas as súas partes ás que figuran no seu proxecto e as condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan no expediente, independentemente das autorizacións, licenzas ou permisos de competencia municipal, provincial ou outros necesarios para a realización das obras das instalacións autorizadas.
O prazo de posta en marcha das instalacións que se autorizan será de doce meses, contados a partir da data da última autorización administrativa necesaria para a súa execución.
Contra esta resolución poderase interpor recurso de alzada ante o conselleiro de Economía, Empleo e Industria no prazo dun mes, a partir do día seguinte o da notificación ou publicación desta resolución; tamén se poderá interpor calquera outro recurso que xulgue pertinente ao seu dereito.
Lugo, 2 de abril de 2019
Pilar Fernández López
Xefa territorial de Lugo