Unha vez presentadas as renuncias do presidente tribunal e dun vogal titular e un vogal suplente do tribunal encargado de cualificar o proceso selectivo para o ingreso, pola quenda de promoción interna e cambio de categoría, na categoría 033 (bombeiro/a forestal condutor/a de motobomba) do grupo IV de persoal laboral fixo da Xunta de Galicia, convocado pola Orde da Consellería de Facenda do 18 de setembro de 2017 (DOG núm. 182, do 25 de setembro) e de conformidade co establecido nas bases da convocatoria, esta consellería

DISPÓN:

Primeiro. Aceptar as renuncias presentadas por Tomás Merino Martínez como presidente titular, Ángel Romero Baleirón como vogal titular e Alfredo Couceiro López como vogal suplente do tribunal encargado de cualificar o proceso selectivo para o ingreso, pola quenda de promoción interna e cambio de categoría, na categoría 033 (bombeiro/a forestal condutor/a de motobomba) do grupo IV de persoal laboral fixo da Xunta de Galicia.

Segundo. Nomear no seu lugar como presidente titular do dito tribunal a Ángel Romero Baleirón, persoal funcionario do corpo de xestión da Administración xeral da Comunidade Autónoma de Galicia, subgrupo A2, como vogal titular a Alfredo Couceiro López, persoal funcionario do corpo de axudantes de carácter facultativo, escala de axentes facultativos ambientais, subgrupo C1, e como vogal suplente a Tomás Merino Martínez, persoal funcionario do corpo facultativo de grao medio de Administración especial da Administración xeral da Comunidade Autónoma de Galicia, subgrupo A2, escala de enxeñeiros técnicos, especialidade de enxeñaría técnica forestal.

Santiago de Compostela, 8 de abril de 2019

Valeriano Martínez García
Conselleiro de Facenda