De conformidade co disposto no artigo 44 da Lei 39/2015, do 1 de outubro, do procedemento administrativo común das administracións públicas (BOE núm. 236, do 2 de outubro), notifícaselle ao titular que no anexo se menciona a incoación do expediente sancionador OU-S-56/2018 e un máis, xa que, intentada polo medio habitual, non se puido efectuar.
Neste mesmo acto designouse instrutor do expediente a Manuel Ledo Quintas. Os interesados poden promover a súa recusación en calquera momento da tramitación do procedemento, de conformidade co disposto no artigo 24 da Lei 40/2015, do 1 de outubro, de réxime xurídico do sector público (BOE núm. 236, do 2 de outubro).
A resolución do presente expediente sancionador, en materia de turismo, correspóndelle á directora da Axencia Turismo de Galicia, segundo se dispón no artigo 26 dos estatutos da devandita axencia, respecto do artigo 4 do Decreto 196/2012, do 27 de setembro, polo que se crea a citada axencia e se aproban os seus estatutos (DOG núm. 193, do 9 de outubro), en relación co artigo 119.1.a) da Lei 7/2011, do 27 de outubro, do turismo de Galicia.
De conformidade co disposto no artigo 124.1 da Lei 7/2011, do 27 de outubro, a resolución do presente procedemento sancionador deberá notificarse no prazo dun ano desde a data deste acordo.
Os interesados dispoñen dun prazo de quince días, conforme o establecido no artigo 82.2 da citada Lei 39/2015, do 1 de outubro, para presentar, ante o instrutor do procedemento, para a súa incorporación a el, alegacións, documentos e informacións que consideren convenientes e, se é o caso, propoñer que se efectúen os medios de proba de que pretendan valerse, advertíndolle que, de non formular alegacións no prazo indicado, este acordo se considerará proposta de resolución, de conformidade co previsto no artigo 64.1 da dita lei.
De conformidade co establecido no artigo 85.3 da indicada Lei 39/2015, informáse a persoa imputada de que a sanción sinalada no acordo de incoación poderá ser obxecto das seguintes reducións: o 20 % (no caso de que recoñeza a súa responsabilidade ou pague voluntariamente e calquera momento anterior a resolución) ou o 40 % (no caso de que recoñeza a súa responsabilidade e ademais pague voluntariamente en calquera momento anterior á resolución).
Ourense, 4 de abril de 2019
Cecilio Santalices de la Escosura Mourille
Xefe da Área Provincial de Turismo de Ourense
ANEXO
Expediente: OU-S-56/2018.
Titular sancionado: Andre Claude Bellamy.
Establecemento: Casa Anxeliña.
Domicilio: San Roque, 22.
Localidade: Cidones, Soria.
Incoación: 6 de novembro de 2018.
Precepto infrinxido: artigo 110.11 e artigo 110.12 da Lei 7/2011, do 27 de octubro, do turismo de Galicia.
Sanción proposta: multa de 1.802,00 euros.
Importe da multa coa redución do 20 % de desconto: 1.441,60 euros.
Importe da multa coa redución do 40 % de desconto: 1.081,20 euros.
Expediente: OU-S-57/2018.
Titular sancionado: Andre Claude Bellamy.
Establecemento: Casa Anxeliña.
Domicilio: San Roque, 22.
Localidade: Cidones, Soria.
Incoación: 6 de novembro de 2018.
Precepto infrinxido: artigos 109.2.a), 109.2.c), 109.3) e 109.6) da Lei 7/2011, do 27 de outubro, do turismo de Galicia.
Sanción proposta: multa de 600,00 euros.
Importe da multa coa redución do 20 % de desconto: 480 euros.
Importe da multa coa redución do 40 % de desconto: 360 euros.
