Mediante a Resolución da concelleira delegada de Facenda e Administración, por delegación da Xunta de Goberno local, do 3 de abril de 2019, resolveuse o seguinte:

Primero. Resolver a convocatoria pública para a provisión, polo sistema de libre designación, dos postos de traballo vacantes neste concello, aprobada por dúas resolucións da concelleira delegada de Facenda e Administración, por delegación da Xunta de Goberno local, do 20 de agosto de 2018 (DOG núm. 238, do 14 de decembro).

Segundo. Adxudicar ás persoas que se relacionan a continuación o posto de traballo que se indica, de conformidade coa relación de postos de traballo aprobada mediante Acordo da Xunta de Goberno local do 31 de agosto de 2017 e coas características que se describen na seguinte táboa:

Apelidos e nome	Cd. u. org.	Unidade org.	Ref. pto.	Pto. traballo	Gr.	N/C	Esc.	RE	Form. comp.	Element. espec.
María Consuelo Saez Mora	GA5000	Secret. concelleiros	32	Secret. concelleiro	C1/C2	18	AX	F	FAX	FR06 ED
Rafael Piñeiro Guzmán	GA5000	Secret. concelleiros	33	Secret. concelleiro	C1/C2	18	AX	F	FAX	FR06 ED
María Mercedes Gil Caparros	GA5000	Secret. concelleiros	34	Secret. concelleiro	C1/C2	18	AX	F	FAX	FR06 ED
María del Carmen Romeu Gómez	GA6000	Secret. direcc.	40	Secret. direc.	C1/C2	18	AX	F	FAX	FR06 ED
María Teresa Rodríguez Sánchez	GA6000	Secret. direcc.	41	Secret. direc.	C1/C2	18	AX	F	FAX	FR06 ED
María del Carmen Cambón Castro	GA6000	Secret. direcc.	44	Secret. direc.	C1/C2	18	AX	F	FAX	FR06 ED
María Ángeles Barallobre Cancela	GA6000	Secret. direcc.	50	Secret. direc.	C1/C2	18	AX	F	FAX	FR06 ED

Terceiro. O expresado nomeamento producirá efectos a partir da data de toma de posesión do posto de traballo obxecto da presente convocatoria.

O cesamento no destino actual do persoal que obtivo praza producirase no prazo de tres días hábiles, contados a partir do seguinte ao da data de publicación desta resolución no Diario Oficial de Galicia.

O prazo para a toma de posesión do novo destino será de tres días hábiles a partir do seguinte ao do cesamento, se non implica cambio de residencia, ou de sete días hábiles se comporta cambio de residencia, de conformidade co establecido no artigo 14 do Decreto 93/1991, do 20 de marzo, modificado polo Decreto 166/2013, do 14 de novembro.

O cómputo de prazos de posesión iniciarase cando se finalicen os permisos ou licenzas que, se é o caso, fosen concedidas ao citado persoal. Nos supostos de baixa temporal ou transitoria iniciarase a partir da correspondente alta.

Cuarto. Notifíquese a presente resolución ao interesado e ao director de Apoio á Alcaldía.

A Coruña, 2 de maio de 2019

O alcalde
P.D. (Decreto do 15.6.2016)
Eduardo Mera Rico
Director de Economía, Facenda e Administración