Eu, María Blanco Aquino, letrada da Administración de xustiza do Xulgado do Social número 2 da Coruña, fago saber que no procedemento 243/2017 deste xulgado do social, seguido por instancia de Alexandru Deleanu contra a empresa Sjefnora, S.L. e Fondo de Garantía Salarial, sobre ordinario, se ditou sentenza cuxa resolución é a seguinte:

Resolución

Que, estimando a demanda interposta polo demandante Alexandru Deleanu, con citación do Fogasa, debo condenar e condeno a empresa Sjefnora, S.L. a que aboe ao demandante a cantidade de 2.414,17 euros polos conceptos reclamados na demanda, máis o xuro do 10 % por mora.

Notifíquese esta resolución ás partes, ás que se lles fará saber que contra ela non cabe recurso de suplicación.

Así, por esta miña sentenza, definitivamente xulgando, pronúncioo, mándoo e asínoo.

E para que sirva de notificación en legal forma a Sjefnora, S.L., en ignorado paradoiro, expido este edicto para a súa inserción no Diario Oficial de Galicia.

A Coruña, 30 de maio de 2019

A letrada da Administración de xustiza