O nomeamento de rexistradores da propiedade, mercantís e de bens mobles que desempeñen funcións en Galicia é competencia desta comunidade autónoma, segundo o disposto no artigo 26.1 do Estatuto de autonomía de Galicia, aprobado pola Lei orgánica 1/1981.
En cumprimento do establecido no artigo 277 da Lei hipotecaria, e nos artigos 504 e 508 e demais concordantes do regulamento para a súa execución, por medio da Orde do Ministerio de Xustiza JUS/188/2019, do 20 de febreiro de 2019 (BOE do 27 de febreiro), constitúese o corpo de aspirantes a rexistradores da propiedade, mercantís e de bens mobles.
Visto o expediente instruído para a provisión de rexistros da propiedade, mercantís e de bens mobles vacantes nesta comunidade autónoma, e consonte os resultados do concurso entre membros do corpo de aspirantes a rexistradores da propiedade, mercantís e de bens mobles, convocado pola Resolución da Dirección Xeral dos Rexistros e do Notariado do 16 de maio de 2019 (BOE do 24 de maio) e resolto pola Resolución do 11 de xuño de 2019, e de conformidade cos artigos 284 da Lei hipotecaria, 513 e demais concordantes do regulamento para a súa execución, co Decreto da Xunta de Galicia 72/2013, do 25 de abril, e coas demais disposicións legais autonómicas pertinentes,
RESOLVO:
Nomear os rexistradores comprendidos na citada resolución e que no anexo se relacionan para prover os rexistros vacantes radicados no territorio da Comunidade Autónoma de Galicia.
Santiago de Compostela, 19 de xuño de 2019
Alfonso Rueda Valenzuela
Vicepresidente e conselleiro de Presidencia, Administracións Públicas e Xustiza
ANEXO
• Manuel García Louro, aspirante núm. 9, para o Rexistro de Lalín.
• Emiliano Voces de Onaindi González, aspirante núm. 10, para o Rexistro de Arteixo.
• Sara Rodríguez Vega, aspirante núm. 19, para o Rexistro de Caldas de Reis.
• Irene Bemposta Iglesias, aspirante núm. 27, para o Rexistro de Ourense nº 3.
• Pilar Verdejo García, aspirante núm. 41, para o Rexistro de Ortigueira.