De conformidade co artigo 8 da Lei 19/2013, do 9 de decembro, de transparencia, acceso á información pública e bo goberno, dáse publicidade á seguinte encomenda de xestión:
Resolución do 7 de xuño de 2019, da Consellería do Mar, pola que se lle encarga ao medio propio Empresa de Tecnologías y Servizos Agrarios, S.A. (Tragsatec) a prestación dun servizo de apoio técnico ás funcións do organismo intermedio certificador do FEMP 2014-2020.
– Actividade: prestación dun servizo de apoio para a realización das funcións que a autoridade de certificación (FEGA) delega no organismo intermedio de certificación (Secretaría Xeral Técnica da Consellería do Mar) do programa operativo FEMP de Galicia, no período 2014-2020, para satisfacer os requisitos establecidos no artigo 126 do Regulamento (UE) nº 1303/2013 do Parlamento Europeo e do Consello, do 17 de decembro de 2013.
– Natureza e alcance da xestión encomendada: encomenda de xestión a medios propios ao ter a Empresa de Tecnologías y Servizos Agrarios, S.A., filial da Empresa de Transformación Agraria, S.A., a consideración de medio propio instrumental e de servizo técnico da Administración xeral da Comunidade Autónoma de Galicia, en cumprimento do establecido nos artigos 10, 47 e seguintes da Lei 16/2010, do 17 de decembro, de organización e funcionamento da Administración xeral e do sector público autonómico de Galicia.
– Prazo de vixencia: desde o 1 de agosto de 2019 ata o 31 de xullo de 2021.
– Financiamento: tramitación con cargo aos orzamentos da Comunidade Autónoma de Galicia para os anos 2019, 2020 e 2021 na aplicación orzamentaria 15.02.723A.640.1 e con código de proxecto 2016 00287.
Santiago de Compostela, 12 de xullo de 2019
Mª Isabel Concheiro Rodríguez-Segade
Secretaria xeral técnica da Consellería do Mar