Mediante Acordo do Pleno de data 1.2.2019, en sesión extraordinaria, aprobouse definitivamente o Plan parcial do sector polígono industrial de Palas de Rei, o que se publica para os efectos dos artigos 82 e 88 da Lei 2/2016, do 10 de febreiro, do solo de Galicia, e nos artigos 199 e 208 do seu regulamento.
«O Pleno do Concello de Palas de Rei, en sesión extraordinaria celebrada o 1 de febreiro de 2019, adoptou, entre outros, o seguinte acordo.
Primeiro. Aprobar definitivamente o Plan parcial do sector polígono industrial de Palas de Rei, coas modificacións resultantes das alegacións formuladas e dos informes emitidos.
Segundo. Publicar a aprobación definitiva no Diario Oficial de Galicia, para os efectos do establecido no artigo 82 da Lei 2/2016, do 10 de febreiro, do solo de Galicia. Esta publicación deberá realizarse no prazo dun mes desde a adopción da aprobación definitiva.
Igualmente, xunto á publicación deste acordo publicarase a indicación das medidas adoptadas para o seguimento dos efectos no medio ambiente da aplicación do plan e a referencia á dirección electrónica na que figurará o contido íntegro do plan a disposición do público.
Terceiro. Comunicar o acordo de aprobación definitiva, en virtude do artigo 88 da Lei 2/2016, do 10 de febreiro, do solo de Galicia, á consellería competente en materia de Urbanismo, para a súa inscrición no Rexistro do Plan Urbanístico de Galicia, achegando un exemplar en soporte dixital, debidamente dilixenciado».
Así mesmo, estará a disposición dos interesados na sede electrónica deste concello [http://palasderei.sedelectronica.es].
Contra o presente acordo, en aplicación do artigo 112.3 da Lei 39/2015, do 1 de outubro, do procedemento administrativo común das administracións públicas, e dado que aproba unha disposición de carácter xeral, poderá interporse recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia con sede na coruña, no prazo de dous meses, contado desde o día seguinte ao da recepción da presente notificación, de conformidade co artigo 46 da Lei 29/1998, do 13 de xullo, da xurisdición contencioso-administrativa. Todo iso sen prexuízo de que poida interpor vostede calquera outro recurso que puidese considerar máis conveniente ao seu dereito.
Palas de Rei, 2 de xullo de 2019
Pablo José Taboada Camoira
Alcalde