A aprobación da modificación da relación de postos de traballo dos órganos superiores e de dirección dependentes da Presidencia da Xunta de Galicia xustifícase polas necesidades funcionais e organizativas actuais.
En consecuencia, por proposta da Presidencia da Xunta de Galicia, unha vez consultadas as organizacións sindicais presentes na Mesa Xeral de Negociación da Comunidade Autónoma e a Comisión de Persoal, o Consello da Xunta de Galicia, na súa reunión do día 18 de xullo de 2019, adoptou o seguinte
ACORDO:
Primeiro. Apróbase a modificación da relación de postos de traballo dos órganos superiores e de dirección dependentes da Presidencia da Xunta, nos termos que se sinalan nos anexos a este acordo, como consecuencia das súas necesidades funcionais e organizativas actuais.
Segundo. Ordénase a súa publicación no Diario Oficial de Galicia para os efectos da entrada en vigor a partir do día seguinte ao da súa publicación. Non obstante, as modificacións contidas no anexo II terán efecto desde o 5 de marzo de 2019, data da entrada en vigor do Acordo do Consello da Xunta de Galicia do 28 de febreiro de 2019 polo que se aproba a relación de postos de traballo dos órganos superiores e de dirección da Presidencia da Xunta de Galicia, publicado no DOG núm. 44, do 4 de marzo.
Visto o acordo adoptado polo Consello da Xunta de Galicia na súa reunión do 18 de xullo de 2019, relativo á aprobación da modificación da relación de postos de traballo dos órganos superiores e de dirección dependentes da Presidencia da Xunta de Galicia, coa finalidade de cumprir o dito acordo, de conformidade coa Orde da Consellería de Facenda do 8 de xullo de 2013 sobre delegación de competencias na Dirección Xeral da Función Pública (DOG núm. 136, do 18 de xullo), dispoño que se publique no Diario Oficial de Galicia como anexo a esta resolución.
Santiago de Compostela, 19 de xullo de 2019
O conselleiro de Facenda
P.D. (Orde do 8.7.2013)
José María Barreiro Díaz
Director xeral da Función Pública
