No uso das competencias atribuídas a esta xefatura territorial, e ao abeiro da disposición transitoria terceira da Lei 39/2015, do 1 de outubro, do procedemento administrativo común das administracións públicas, e en virtude do disposto nos artigos 59.5 e 61 da Lei 30/1992, do 26 de novembro, tentada a notificación das resolucións ditadas nos procedementos no último domicilio coñecido das persoas que se citan no anexo sen que esta se puidese efectuar por causas non imputables á Administración, notifícanselles mediante edicto os referidos actos administrativos ás ditas persoas, que son emprazadas para que no prazo de dez (10) días, contados desde o día seguinte ao da data da publicación deste edicto no Boletín Oficial del Estado (BOE), comparezan en persoa ou debidamente representadas nas dependencias do Servizo de Prestacións, Inclusión e Inmigración da Xefatura Territorial da Consellería de Política Social de Vigo, na rúa Concepción Arenal, número 8, 1º andar, en horario de mañá, entre as 9.00 e as 14.00 horas, de luns a venres, para os efectos de coñeceren o texto íntegro das resolucións e advertíndolles que, de non o faceren así, se considerarán notificadas.
Contra estas resolucións, que non esgotan a vía administrativa, poderán interpoñer reclamación previa á vía xurisdicional social, ante esta xefatura territorial, no prazo de trinta (30) días contados desde o día seguinte ao da data da súa notificación, segundo o disposto no artigo 71 da Lei 36/2011, do 10 de outubro, reguladora da xurisdición social.
Vigo, 9 de xullo de 2019
Marta Iglesias Bueno
Xefa territorial de Vigo
ANEXO
Número de DNI/NIE |
Número de expediente |
Resolución e data |
39497738E |
3600518-I/16 |
Denegación 16.4.2019 |
43527883S |
3600531-I/16 |
Denegación 24.4.2019 |