De conformidade co disposto no artigo 45 da Lei 39/2015, do 1 de outubro, do procedemento administrativo común das administracións públicas, publícase o seguinte anuncio:
O Consello da Xunta de Galicia, na súa reunión do 4 de xullo de 2019, adoptou entre outros o seguinte
ACORDO:
1. Declarar a perda da condición de utilidade pública e exclusión parcial do Catálogo de montes de utilidade pública dunha parte do monte San Alberto, número 205, no concello de Ribeira (A Coruña), que inclúe a superficie que se relaciona a seguir:
– 2,63 ha (2,8 % da superficie total do monte).
2. A superficie do monte de utilidade pública, logo desta exclusión, pasará a ser de 89,25 ha.
3. Dar traslado ao Ministerio de Agricultura, Pesca e Alimentación da citada exclusión do catálogo.
Contra este acordo as persoas interesadas poderán interpoñer recurso de reposición, con carácter potestativo, ante o Consello da Xunta de Galicia no prazo dun mes, ou ben interpoñer directamente recurso contencioso-administrativo ante o Tribunal Superior de Xustiza de Galicia no prazo de dous meses, de acordo co disposto nos artigos 114 e 123 da Lei 39/2015, do 1 de outubro, do procedemento administrativo común das administracións públicas, e nos artigos 10 e 46 da Lei 29/1998, do 13 de xullo, reguladora da xurisdición contencioso-administrativa.
Santiago de Compostela, 31 de xullo de 2019
José Luis Chan Rodríguez
Director xeral de Planificación e Ordenación Forestal