A Academia Galega de Seguridade Pública en colaboración coa Secretaría Xeral da Igualdade anuncia a convocatoria de 60 cursos descentralizados sobre primeira intervención policial en violencia de xénero, de acordo coas seguintes bases:
1. Datos da actividade:
Denominación: primeira intervención policial en violencia de xénero.
Tipo: cursos descentralizados.
Edicións: 60.
Horas lectivas: 12.
Modalidade: presencial.
Obxectivos:
– Adquirir coñecementos básicos sobre o tratamento policial das vítimas de violencia de xénero.
– Adquirir novos coñecementos sobre os protocolos de actuación policiais en materia de violencia de xénero.
– Reforzar a formación en materia de violencia de xénero dos efectivos policiais de todos os corpos de policías locais de Galicia.
Contidos:
Módulo I. Perspectiva de xénero.
Módulo II. Os delitos en violencia de xénero.
Módulo III. Atención psicolóxica á vítima de violencia de xénero.
Módulo IV. Intervención policial en violencia de xénero.
2. Desenvolvemento da convocatoria:
Destinatarios/as:
Persoal dos corpos da policía local dos concellos de Galicia e o seu persoal que realice funcións relacionadas cos contidos dos cursos.
Prazas ofertadas:
25 por edición.
Lugares de impartición: na relación de cursos publicada como anexo a esta resolución figura o concello en que se impartirá a actividade e no momento de facer a selección informarase nas xefaturas das policías locais.
3. Solicitudes de participación:
a) O persoal que desexe participar nestes cursos poderá facer a preinscrición a través do proceso de matrícula telemática na páxina web da Agasp http://agasp.xunta.es.
b) Prazo para a presentación de solicitudes: o prazo de inscrición e presentación de solicitudes de participación rematará ás 12.00 horas do día anterior ao inicio de cada actividade.
c) En caso de dúbida, dificultades técnicas ou necesidade de máis información poderán dirixirse á Agasp a través do número de teléfono 886 20 61 10, do fax 886 20 61 22 ou enderezo de correo electrónico formacion.agasp@xunta.es, que adoptará as medidas necesarias para facilitar a presentación de solicitudes.
Criterios de selección:
Exclusivamente por orde de inscrición.
Listaxe de solicitudes seleccionadas:
O día anterior ao inicio de cada curso a Academia Galega de Seguridade Pública publicará, una vez pechado o prazo de admisión de solicitudes, no sitio web http://agasp.xunta.es, as solicitudes de participación que resultasen seleccionadas segundo os criterios de selección mencionados anteriormente.
5. Certificado de asistencia:
Entregarase un certificado de asistencia a todas aquelas persoas que acrediten á súa asistencia continuada aos cursos.
6. Dereitos e deberes do alumnado participante:
Durante o desenvolvemento da actividade ao alumnado seralle de aplicación, en canto aos dereitos e deberes, o previsto no Regulamento de réxime interior da Agasp, aprobado pola Orde da Consellería de Presidencia, Administracións Públicas e Xustiza, do 4 de febreiro de 2009 (DOG núm. 30, do 12 de febreiro).
7. Modificacións e incidencias:
A Academia Galega de Seguridade Pública poderá modificar o desenvolvemento normal da actividade para adaptala ás necesidades da Administración e ás continxencias que poidan xurdir.
A Agasp tamén poderá suprimir o curso, ampliar novas edicións del ou suspendelo temporalmente, cando así veña exixido por circunstancias que afecten a súa organización, realización ou docencia.
A Estrada, 30 de agosto de 2019
Santiago Villanueva Álvarez
Director xeral da Academia Galega de Seguridade Pública
