No Diario Oficial de Galicia nº 104, do 4 de xuño, publícase a Resolución do 22 de maio de 2019 pola que se establecen as bases reguladoras para a concesión de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva para o curso 2019/20, e pola que se procede a súa convocatoria (código de procedemento DE400A), establecéndose no seu artigo 5 un prazo límite de presentación das solicitudes dun mes desde o día seguinte ao da publicación.
Rematado o prazo de solicitudes, publícase na páxina web da Secretaría Xeral para o Deporte deporte.xunta.gal, a listaxe provisional de avalición de solicitudes admitidas, excluídas e pendentes de emenda, presentadas ao abeiro da mencionada resolución de convocatoria o día 8 de agosto de 2019, establecendo un prazo de dez días para a formulación de alegacións.
Rematado o prazo de alegacións e modificadas, de ser o caso, as puntuacións dos solicitantes, a comisión de selección formula a proposta de resolución definitiva.
Acreditadas as actuacións levadas a cabo pola comisión de selección á que se refire o artigo 12 da Resolución do 22 de maio de 2019, da Secretaría Xeral para o Deporte, pola que se establecen as bases reguladoras para a concesión de bolsas, en réxime de concorrencia competitiva, para persoas colaboradoras na residencia do Centro Galego de Tecnificación Deportiva para o curso 2019/20, e pola que se procede á súa convocatoria (código de procedemento DE400A), e as propostas formuladas por esta, logo do estudo detallado das solicitudes formuladas comprobando a concorrencia dos requisitos requiridos, tal e como queda documentado na acta redactada con ocasión da sesión de traballo levada a cabo o 29 de agosto de 2019, e vista a proposta formulada pola citada comisión de selección e, unha vez examinadas as alegacións presentadas, e en virtude das atribucións que me foron conferidas,
RESOLVO:
Primeiro. Outorgar as bolsas para persoas colaboradoras no Centro Galego de Tecnificación Deportiva, sito en Pontevedra, que se recollen no anexo I desta resolución, ordenadas por puntuación, unha vez aplicados os criterios establecidos nos artigos 3 e 9 das bases reguladoras do procedemento.
Segundo. Denegar o outorgamento das bolsas solicitadas, ordenadas por puntuación, por non obter a condición de beneficiario con base no establecido nos artigos 3 e 9 das bases reguladoras do procedemento.
Terceiro. Estas listaxes expoñeranse tamén nos taboleiros de anuncios da Secretaría Xeral para o Deporte, así como na páxina web http://deporte.xunta.gal/.
Cuarto. Esta resolución esgota a vía administrativa e contra ela pode interpoñerse un recurso potestativo de reposición perante a persoa titular da Secretaría Xeral para o Deporte, no prazo dun mes contado a partir do día seguinte ao da súa publicación no Diario Oficial de Galicia, segundo o disposto nos artigos 123 e 125 da Lei 39/2015, do 1 de outubro, do procedemento administrativo común das administracións públicas, ou ben, un recurso contencioso-administrativo perante o Tribunal Superior de Xustiza de Galicia, no prazo de dous meses contados a partir do día seguinte ao da súa publicación, segundo dispoñen os artigos 10 e 46 da Lei 29/1998, do 13 de xullo, reguladora da xurisdicción contencioso-administrativa.
Santiago de Compostela, 2 de setembro de 2019
José Ramón Lete Lasa
Secretario xeral para o Deporte
ANEXO I
Listaxe de bolseiros colaboradores no Centro Galego de Tecnificación Deportiva (Pontevedra)
|
PERSOAS SOLICITANTES BENEFICIARIAS |
ESTUDANTE CCAFD/UNIV/CFS |
PTOS. |
PROXECTO ACTIVIDADES |
PTOS. |
DGAN/DAN/DAR/CGTD |
PTOS. |
TITULO CCAFD/MAXISTERIO/TEC. DEPORTIVO |
PTOS. |
INFORME DIRECCIÓN |
PTOS. |
TOTAL PUNTOS |
|
SANTOS VEIGA, XAVIER |
CFS |
2 |
2 |
2 |
DGAN/DAR |
5 |
TEC. DEPORTIVO |
1 |
|
|
10 |
|
GÓMEZ MESÍAS, ALBA |
UNIVERSITARIOS |
3 |
2 |
2 |
DGAN |
4 |
|
0 |
|
|
9 |
|
GARCÍA VIDAL, MIRYAN |
UNIVERSITARIOS |
3 |
2 |
2 |
DGAN |
4 |
|
0 |
|
|
9 |
|
MULLONI MARTÍNEZ, SAMANTHA |
UNIVERSITARIOS |
3 |
2 |
2 |
|
|
|
0 |
3 |
3 |
8 |
|
ANDRADE BUDIÑO, ALFONSO |
UNIVERSITARIOS |
3 |
2 |
2 |
|
|
|
0 |
3 |
3 |
8 |
|
REY LÓPEZ, MARIO |
UNIVERSITARIOS |
3 |
2 |
2 |
CGTD/DAR |
3 |
|
0 |
|
|
8 |
ANEXO II
Listaxe de solicitudes denegadas
|
PERSOAS SOLICITANTES BENEFICIARIAS |
ESTUDANTE CCAFD/UNIV/CFS |
PTOS. |
PROXECTO ACTIVIDADES |
PTOS. |
DGAN/DAN/DAR/CGTD |
PTOS. |
TITULO CCAFD/MAXISTERIO/ TEC. DEPORTIVO |
PTOS. |
INFORME DIRECCIÓN |
PTOS. |
TOTAL PUNTOS |
|
CASTRO PEREIRA, BRAIS |
UNIVERSITARIOS |
3 |
|
|
CGTD |
2 |
TEC. DEPORTIVO |
1 |
|
|
6 |
|
MARTÍNEZ CASTILLO, JUNIOR LUCIANO |
CFS |
2 |
|
|
CGTD |
2 |
|
0 |
|
|
4 |
