De conformidade co disposto nos artigos 44 e 82 da Lei 39/2015, do 1 de outubro, do procedemento administrativo común das administracións públicas, notifícaselles e outórgaselles audiencia aos titulares dos establecementos que no anexo se mencionan, no procedemento de baixa e cancelación da inscrición no Rexistro de Empresas e Actividades Turísticas da Comunidade Autónoma de Galicia.

Mediante a visita da inspección comprobouse que nos establecementos que se relacionan no anexo non se realiza nin exerce a actividade turística.

Considerando que nos expedientes non consta ningunha comunicación do cesamento da actividade, esta área provincial acordou, ao abeiro do establecido no artigo 46 da Lei 7/2011, do 27 de outubro, do turismo de Galicia, e no artigo 17 do Decreto 82/1987, do 26 de marzo, polo que se crea o Rexistro de Empresas e Actividades Turísticas da Comunidade Autónoma de Galicia, iniciar o expediente de baixa de oficio dos establecementos relacionados no anexo.

O que se lles notifica aos titulares dos establecementos referidos no dito anexo para que, no prazo de quince (15) días, poidan efectuar as alegacións que xulguen pertinentes, poderán examinar o expediente e obter copias dos documentos contidos nel na Área Provincial da Axencia Turismo de Galicia de Pontevedra.

Pontevedra, 12 de setembro de 2019

A xefa da Área Provincial de Turismo de Pontevedra
P.S. (Resolución do 29.3.2019)
María José Echevarría Moreno
Xefa territorial de Pontevedra

ANEXO

Establecemento: Stork Club.

Signatura: V-PO-001262.

Razón social: Ramón Quirós Ferraz.

Domicilio: Isaac Peral, sn.

Concello: Vigo.

Establecemento: Tapería A Coura.

Signatura: V-PO-007577.

Razón social: Dolores Sanromán López.

Domicilio: rúa Rans, 34, A Praia América-A Ramallosa.

Concello: Nigrán.

Establecemento: Arenal.

Signatura: V-PO-001422.

Razón social: Hortensia González Guijuelo.

Domicilio: Isaac Peral, 2.

Concello: Vigo.