Por Orde da Consellería de Facenda do 1 de marzo de 2018 (DOG núm. 47, do 7 de marzo), convocouse o proceso selectivo para o ingreso no corpo superior da Administración xeral da Comunidade Autónoma de Galicia, subgrupo A1, escala de sistemas e tecnoloxía da información.
Por Orde da Consellería de Facenda do 12 de xullo de 2019 (DOG núm. 137, do 19 de xullo), procedeuse ao nomeamento do tribunal encargado de cualificar o proceso selectivo.
Por circunstancias sobrevidas procédese á modificación da composición do dito tribunal cualificador, polo que esta consellería
DISPÓN:
Primeiro. Aceptar a renuncia de Gustavo Herva Iglesias como vogal suplente do dito tribunal e nomear no seu lugar a José Andrés Freire Dapena, persoal funcionario do corpo superior da Administración xeral da Comunidade Autónoma de Galicia, subgrupo A1, escala de sistemas e tecnoloxía da información.
Santiago de Compostela, 25 de setembro de 2019
Valeriano Martínez García
Conselleiro de Facenda