O artigo 15 da Lei 1/2016, do 18 de xaneiro, de transparencia e bo goberno, impón a cada consellería da Xunta de Galicia a obriga de publicar no Diario Oficial de Galicia unha relación dos convenios subscritos no cuadrimestre anterior.
A Resolución do 16 de setembro de 2019, da Secretaría Xeral Técnica, pola que se lles dá publicidade aos convenios de colaboración subscritos pola Consellería de Cultura e Turismo durante o segundo cuadrimestre do ano 2019, foi publicada no Diario Oficial de Galicia o 27 de setembro de 2019.
Advertido erro na dita resolución, publicada no Diario Oficial de Galicia número 184, do 27 de setembro de 2019, cómpre efectuar a seguinte corrección:
Na páxina 42833, no anexo, onde di:
Título |
Data de sinatura |
Importe |
Convenio de colaboración entre a Consellería de Cultura e Turismo da Xunta de Galicia e a Universidade de Salamanca para a docencia, a investigación e mais a promoción da lingua, a literatura e a cultura galegas |
15.5.2019 |
4.000,00 € |
Debe dicir:
Título |
Data de sinatura |
Importe |
Convenio de colaboración entre a Consellería de Cultura e Turismo da Xunta de Galicia (España) e The Graduate Center of The City University of New York (EE.UU) para a docencia, a investigación e máis a promoción da lingua, a literatura e a cultura galegas |
15.5.2019 |
4.000,00 € |