A base novena da Resolución do 1 de marzo de 2018 (Diario Oficial de Galicia núm. 50, do 12 de marzo) pola que se convoca concurso-oposición para o ingreso na categoría de técnico/a superior en documentación sanitaria do Servizo Galego de Saúde dispón que, comprobada a documentación de todos/as os/as aspirantes aprobados/as, a Dirección Xeral de Recursos Humanos publicará no Diario Oficial de Galicia a relación definitiva de aspirantes seleccionados/as, as prazas que se lles ofertan e o procedemento e prazo para que estes manifesten a súa opción polos destinos ofertados.
Finalizado o prazo de presentación de documentación, esta dirección, como órgano convocante do proceso,
RESOLVE:
Primeiro. Publicar, como anexo I, a relación de aspirantes definitivamente seleccionados/as no concurso oposición para o ingreso na categoría de técnico/a superior en documentación sanitaria do Servizo Galego de Saúde, convocado pola Resolución da Dirección Xeral de Recursos Humanos do 1 de marzo de 2018.
Segundo. Aprobar a relación de prazas que se ofertan aos/ás aspirantes seleccionados/as no proceso, e que figura como anexo II desta resolución.
As prazas que se ofertan corresponden sempre a prazas básicas da correspondente categoría, de conformidade co establecido no artigo 17 do Decreto 206/2005, do 22 de xullo.
Terceiro. Convocar os/as aspirantes seleccionados/as que se indican no anexo I desta resolución para que en único chamamento e acto e pola orde que nel se establece, en aplicación das bases da convocatoria, elixan destino definitivo.
O acto de elección de destino terá lugar o día 25 de outubro de 2019, ás 12.30 horas no salón de actos da Consellería de Sanidade, Edificio Administrativo San Lázaro, s/n, Santiago de Compostela.
O acto de elección desenvolverase consonte o seguinte procedemento:
a) As persoas aspirantes deberán comparecer provistas de documento nacional de identidade ou outro documento que acredite de modo fidedigno a súa identidade.
b) A solicitude que formulen as persoas aspirantes será vinculante e irrenunciable.
c) Os/as aspirantes que non comparezan persoalmente poderán ser representados/as por terceiras persoas provistas de poder suficiente.
d) O/a aspirante seleccionado/a que non opte por un destino, na data e de acordo co procedemento establecido, non poderá ser nomeado/a, e quedarán sen efecto todas as súas actuacións. En todo caso, non serán tidas en conta causas de forza maior ou calquera outra causa para emendar a non elección de destino.
e) Por razóns organizativas e de limitación da capacidade do recinto, poderase limitar a presenza de persoas que acompañen ao/á aspirante no acto de elección.
Cuarto. Contra a presente resolución, que pon fin á vía administrativa, poderase interpoñer recurso potestativo de reposicion ante este órgano directivo, no prazo dun mes a partir do día seguinte á súa publicación, de conformidade co disposto nos artigos 123 e 124 da Lei 39/2015, do 1 de outubro, do procedemento administrativo común das administracións públicas, ou poderase impugnar directamente na xurisdición contencioso-administrativa nos termos da Lei 29/1998, do 13 de xullo.
Santiago de Compostela, 14 de outubro de 2019
Margarita Prado Vaamonde
Directora xeral de Recursos Humanos
ANEXO
Relación de aspirantes definitivamente seleccionados/as
Técnico/a superior en documentación sanitaria
Nº |
DNI |
Apelidos e nome |
Acceso |
Nota OPE |
Formación |
Experiencia |
Outras actividades |
Total |
1 |
***7203** |
Requeijo Maceira, Elvira |
PI |
37,500 |
8,000 |
11,220 |
0,000 |
56,720 |
2 |
***7649** |
Moral Álvarez, Ana María |
L |
32,375 |
8,000 |
25,000 |
0,000 |
65,375 |
3 |
***0688** |
Rendo Míguez, Emilia |
L |
38,375 |
8,000 |
13,280 |
0,000 |
59,655 |
4 |
***6107** |
Graña Liste, Raquel |
L |
43,750 |
8,000 |
0,000 |
0,000 |
51,750 |
5 |
***0593** |
Piñón González, Laura Sofía |
L |
34,375 |
8,000 |
0,000 |
0,000 |
42,375 |
6 |
***6990** |
Gancedo Herreras, Trinidad |
L |
31,375 |
8,000 |
3,000 |
0,000 |
42,375 |
(*) Ocúltase parcialmente o número de documento nacional de identidade para preservar os datos de carácter persoal, de acordo coa Lei orgánica 3/2018, do 5 de decembro. |
ANEXO II
Destinos que se ofertan
Técnico/a superior en documentación sanitaria
Centro directivo |
Centro/s |
Quenda |
Localidade |
Núm. prazas |
EOXI Ferrol |
EOXI Ferrol |
- |
Ferrol |
1 |
EOXI Lugo-Cervo-Monforte |
EOXI Lugo-Cervo-Monforte |
- |
Lugo |
2 |
EOXI Pontevedra-Salnés |
EOXI Pontevedra-Salnés |
- |
Pontevedra |
1 |
EOXI Santiago |
EOXI Santiago |
- |
Santiago de Compostela |
1 |
EOXI Vigo |
EOXI Vigo |
- |
Vigo |
1 |