DOG 204 do 25/10/2019 - RESOLUCIÓN do 2 de outubro de 2019, do tribunal designado para xulgar o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galicia, subgrupo C1, convocado pola Orde do 1 de marzo de 2018, pola que se resolven as alegacións presentadas con relación ás puntuacións do segundo exercicio do proceso selectivo.

IV. Oposicións e concursos

Consellería de Facenda

RESOLUCIÓN do 2 de outubro de 2019, do tribunal designado para xulgar o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galicia, subgrupo C1, convocado pola Orde do 1 de marzo de 2018, pola que se resolven as alegacións presentadas con relación ás puntuacións do segundo exercicio do proceso selectivo.

En sesión que tivo lugar o 2 de outubro de 2019, o tribunal nomeado pola Orde do 1 de marzo de 2019 (DOG núm. 48, do 8 de marzo) para cualificar o proceso selectivo para o ingreso, pola quenda de promoción interna, no corpo administrativo da Administración xeral da Comunidade Autónoma de Galicia, subgrupo C1, convocado pola Orde do 1 de marzo de 2018 (DOG núm. 48, do 8 de marzo), acordou:

Primeiro. Desestimar, na súa totalidade, as reclamacións presentadas polas persoas aspirantes contra a puntuación obtida no segundo exercicio da fase de oposición deste proceso selectivo.

Segundo. Publicar este acordo no lugar onde se realizou a proba e no portal web da Xunta de Galicia, funcionpublica.xunta.gal.

Terceiro. De conformidade co disposto na base III.13 da orde de convocatoria, contra este acordo poderase interpoñer recurso de alzada, ante o conselleiro de Facenda nos termos previstos nos artigos 121 e 122 da Lei 39/2015, do 1 de outubro, do procedemento administrativo común das administracións públicas.

Santiago de Compostela, 2 de outubro de 2019

María Araceli Romero Míguez
Presidenta do tribunal