Para os efectos previstos no Real decreto lexislativo 1/2016, do 16 de decembro, polo que se aproba o texto refundido da Lei de prevención e control integrados da contaminación (BOE núm. 316, do 31 de outubro) faise público que por espazo de trinta (30) días hábiles, contados a partir do seguinte ao da publicación deste anuncio no Diario Oficial de Galicia, quedará exposto o documento titulado:
– Autorización ambiental integrada a unha granxa porcina de ceba. Concello de Ponteceso (A Coruña). Solicitude. Promotor: Explotaciones Porcinas Porto do Souto, S.C.
Para que calquera interesado poida consultalos e, se é o caso, formular no citado prazo as alegacións, suxestións ou observacións que estime oportunas, o documento estará a disposición dos administrados, en horario de atención ao público, nas seguintes dependencias:
– Dirección Xeral de Calidade Ambiental e Cambio Climático-Servizo de Prevención e Control Integrados da Contaminación (rúa San Lázaro, s/n, 15781 Santiago de Compostela).
Ademáis poderán acceder a esta información na páxina web da Consellería de Medio Ambiente, Territorio e Vivenda (http://cmatv.xunta.gal/→medioambiente e sostibilidade→prevención e control de actividades→autorización ambiental integrada→proxectos en información pública).
Santiago de Compostela, 23 de setembro de 2019
María Cruz Ferreira Costa
Directora xeral de Calidade Ambiental e Cambio Climático
ANEXO I
Memoria resumo
Clave do expediente: 2017-IPPC-I-70.
Peticionario: Explotaciones Porcinas Porto do Souto, S.C.
CIF: J70222070.
Enderezo social: rúa Aduana, nº 14, 1º D, 15110 Ponteceso, A Coruña.
Localización da instalación: Lg. Porto do Souto, 15110 Ponteceso, A Coruña.
Actividade: explotación porcina de ceba de porco ibérico.
Descrición: o proxecto consiste nunha explotación porcina para unha capacidade de 3.016 prazas de porco ibérico de ceba. A instalación consta de cinco naves de cebo en uso, unha fosa de xurros exterior de 1.775,60 m3 e outra fosa exterior que se construirá de 500 m3 as cales se prevé cubrir. As augas de limpeza das naves e as augas fecais son conducidas ás fosas de xurro. As augas pluviais vértense directamente ao terreo. O xurro xerado na instalación será valorizado en parcelas agrícolas.
Inclúese na documentación presentada o grao de implantación das mellores técnicas dispoñibles, atendendo ao recollido na Decisión de execución (UE) 2017/302 da Comisión do 15 de febreiro de 2017 pola que se establecen as conclusións sobre as mellores técnicas dispoñibles (MTD) no marco da Directiva 2010/75/UE do Parlamento Europeo e do Consello respecto á cría intensiva de aves de curral ou de porcos.