Mediante a Resolución do 26 de setembro de 2019 (DOG núm. 192, do 9 de outubro), aprobáronse e publicáronse as bases reguladoras dos premios de investigación sobre VIH e/ou outras infeccións de transmisión sexual (ITS) 2019.
O xurado destes premios fixo unha revisión bibliográfica dos artigos que cumpren cos requisitos recollidos nas bases reguladoras, avaliándoos segundo os criterios de selección establecidos, tal como se recolle no artigo 8 das referidas bases.
O 31 de outubro, o xurado reuniuse para poñer en común a avaliación dos artigos científicos e propor, no acordo de concesión, as dúas persoas galardoadas.
Ese mesmo día recibiuse a aceptación expresa das persoas propostas e a acreditación da súa vinculación a un centro ou institución galega incluído no ámbito de aplicación destas bases no momento da elaboración do artigo.
As ditas bases establecían no artigo 10 que a persoa titular da presidencia da Axencia Galega para a Xestión do Coñecemento en Saúde (Acis) ditará a resolución do premio, que será inapelable, e que se fará pública a través do Diario Oficial de Galicia e das páxinas web do Servizo Galego de Saúde www.sergas.es e da Acis www.acis.sergas.gal
Crédito orzamentario: catro mil cincocentos euros (4.500,00 €) con cargo á aplicación orzamentaria 2019-12.A1-411A-480.00/Proxecto 201800003 dos orzamentos do ano 2019 da Acis:
a) Primeiro premio cunha dotación de tres mil euros (3.000,00 €).
b) Segundo premio cunha dotación de mil cincocentos euros (1.500,00 €).
No que se refire ás persoas investigadoras premiadas, véxase o anexo.
Santiago de Compostela, 4 de novembro de 2019
Jesús Vázquez Almuíña
Presidente da Axencia Galega para a Xestión do Coñecemento en Saúde
ANEXO
Persoas premiadas
Núm. |
Persoas autoras |
Título do artigo |
Centro ou institución galega |
Importe do premio |
1º |
Antonio Ocampo Hermida |
Lipid changes and tolerability in a cohort of adult HIV-infected patients who switched to rilpivirine/emtricitabine/tenofovir due to intolerance to previous combination ART: The PRO-STR study |
Consulta de VIH do Servizo de Medicina Interna. Complexo Hospitalario Universitario de Vigo. Servizo Galego de Saúde |
3.000,00 € |
2º |
María Jesús Purriños Hermida |
Direct, indirect and total effectiveness of bivalent HPV vaccine in women in Galicia, Spain |
Servizo de Epidemioloxía da Dirección Xeral de Saúde Pública da Consellería de Sanidade |
1.500,00 € |