Intentada a notificación por correo certificado aos titulares das empresas que se indican a seguir, sen que se puidese efectuar, notifícaselles mediante este anuncio o inicio do trámite de audiencia, de conformidade cos artigos 44 e 46 da Lei 39/2015, do 1 de outubro, do procedemento administrativo común das administracións públicas.
Dispoñen dun prazo de oito días, a partir do día seguinte ao da súa publicación no BOE, durante o cal poderán comparecer nas dependencias desta xefatura territorial, na rúa Salvador de Madariaga 9-1º (Centro Comercial Elviña) na Coruña, das 9.00 ás 14.00 horas, para coñeceren o contido íntegro do expediente.
Unha vez efectuado o dito trámite, os suxeitos responsables poderán formular novas alegacións polo prazo doutros tres días, logo dos cales o expediente quedará visto para a proposta de resolución, de conformidade co artigo 18.4 do Real decreto 928/1998, do 14 de maio, polo que se aproba o Regulamento xeral sobre procedementos para a imposición de sancións por infraccións da orde social e para os expedientes liquidatorios de cotas da Seguridade Social.
A Coruña, 11 de novembro de 2019
Isidoro Martínez Arca
Xefe territorial da Coruña
ANEXO
Expediente: RL 2019/0389-1.
Acta inf.: I152019000076196.
Empresa: Globalgrafic Imprexión e Imaxe, S.L.
NIF: B70010632.
Concello: Arteixo.
Materia: seguridade e saúde.
Documentos que constan no expediente:
– Acta de infracción.
– Xustificantes das notificacións.
– Alegacións da empresa.
– Informe da Inspección de Traballo e Seguridade Social.