Mediante a Resolución do 21 de maio de 2019 desta dirección xeral (Diario Oficial de Galicia núm. 103, do 3 de xuño) convocouse concurso-oposición para o ingreso na categoría de técnico/a en coidados auxiliares de enfermaría.

Mediante a Resolución do 16 de setembro de 2019 (Diario Oficial de Galicia núm. 183, do 26 de setembro) publicouse a relación provisional de aspirantes admitidos/as e excluídos/as, así como dos/das exentos/as e non exentos/as da realización do exercicio de lingua galega.

Na base sétima da resolución de convocatoria disponse que o/s tribunal/is cualificador/es do concurso-oposición, será/n nomeado/s pola autoridade convocante cunha antelación mínima dun mes ao da data de realización das probas e que se publicará para este efecto a oportuna resolución no Diario Oficial de Galicia.

De conformidade coa dita base e finalizado o prazo de emenda previsto no número 6.2 desta mesma resolución, este centro directivo, como órgano convocante do proceso,

RESOLVE:

Primeiro. Declarar, con carácter definitivo, os/as aspirantes admitidos/as e excluídos/as por cada unha das quendas de acceso, así como os/as exentos/as e non exentos/as da realización do exercicio de lingua galega no concurso-oposición para o ingreso na categoría de técnico/a en coidados auxiliares de enfermaría, convocado mediante a Resolución do 21 de maio de 2019.

A lista coa relación definitiva de persoas aspirantes admitidas e excluídas por quenda, con indicación do motivo de exclusión, e as declaradas exentas e non exentas da realización do exercicio de lingua galega, poderanse examinar na páxina web do Servizo Galego de Saúde (www.sergas.es).

Ademais, o estado de cada solicitude pode ser consultado polo/a solicitante no seu expediente electrónico persoal en Fides/expedient-e/sección de procesos.

Segundo. Nomear os membros do tribunal, titulares e suplentes que xulgarán o proceso selectivo e que se relacionan no anexo desta resolución.

Terceiro. Declarar de aplicación a este proceso as normas de funcionamento e actuación dos tribunais e persoal colaborador negociadas e aprobadas na Mesa Sectorial de Sanidade do 20 de xullo de 2018, publicadas á disposición das persoas interesadas na páxina web do Servizo Galego de Saúde (www.sergas.es).

Cuarto. Contra esta resolución as persoas interesadas poderán interpoñer directamente recurso contencioso-administrativo, ante a Sala do Contencioso-Administrativo do Tribunal Superior de Xustiza de Galicia, no prazo de dous meses contados desde o día seguinte ao da súa publicación no Diario Oficial de Galicia, de conformidade co disposto nos artigos 8.2 e 10.1 da Lei 29/1998, do 13 de xullo, reguladora da xurisdición contencioso-administrativa.

Potestativamente, e con carácter previo, poderán interpoñer recurso de reposición, ante a Dirección Xeral de Recursos Humanos do Servizo Galego de Saúde, no prazo dun mes contado desde a mesma data.

Santiago de Compostela, 13 de novembro de 2019

Margarita Prado Vaamonde
Directora xeral de Recursos Humanos

ANEXO

Técnico/a en coidados auxiliares de enfermaría (vías de acceso libre-promoción interna e discapacidade xeral)
Presidente/a titular	Carro Munín, Natalia	Persoal estatutario sanitario de formación profesional	Técnico/a en coidados auxiliares de enfermaría
Secretario/a titular	Castro Seijas, Mercedes	Persoal estatutario de xestión e servizos	Grupo técnico da función administrativa
Vogal titular	Fuentes Rodríguez, José Carlos	Persoal estatutario sanitario de formación profesional	Técnico/a en coidados auxiliares de enfermaría
Vogal titular	Fernández Rial, José Miguel	Persoal estatutario sanitario de formación profesional	Técnico/a en coidados auxiliares de enfermaría
Vogal titular	Luaces Castelo, Marina	Persoal estatutario sanitario de formación profesional	Técnico/a en coidados auxiliares de enfermaría
Presidente/a suplente	Raña Sánchez, Ana Belén	Persoal estatutario sanitario de formación profesional	Técnico/a en coidados auxiliares de enfermaría
Secretario/a suplente	García Caeiro, Javier	Funcionario do corpo superior da Administración xeral da Xunta de Galicia
Vogal suplente	López Revilla, Juan Antonio	Persoal estatutario sanitario de formación profesional	Técnico/a en coidados auxiliares de enfermaría
Vogal suplente	López Carrín, Jorge Javier	Persoal estatutario sanitario de formación profesional	Técnico/a en coidados auxiliares de enfermaría
Vogal suplente	Curras Pereira, Jesús	Persoal estatutario sanitario de formación profesional	Técnico/a en coidados auxiliares de enfermaría
Técnico/a en coidados auxiliares de enfermaría (vía de acceso discapacidade intelectual)
Presidente/a titular	Sayáns Liste, Rubén	Persoal estatutario sanitario de formación profesional	Técnico/a en coidados auxiliares de enfermaría
Secretario/a titular	Rúa Moure, Mª Jesús	Persoal estatutario de xestión e servizos	Grupo técnico da función administrativa
Vogal titular	Souto Souto, Elena	Persoal estatutario sanitario de formación profesional	Técnico/a en coidados auxiliares de enfermaría
Vogal titular	Vila Gómez, Rosa Elena	Persoal estatutario sanitario de formación profesional	Técnico/a en coidados auxiliares de enfermaría
Vogal titular	Gil Miranda, Eugenio	Persoal estatutario sanitario de formación profesional	Técnico/a en coidados auxiliares de enfermaría
Presidente/a suplente	Rodríguez Graña, José	Persoal estatutario sanitario de formación profesional	Técnico/a en coidados auxiliares de enfermaría
Secretario/a suplente	Enríquez Morales, Javier	Persoal estatutario de xestión e servizos	Grupo técnico da función administrativa
Vogal suplente	De Rojas Silva, Juan	Persoal estatutario sanitario de formación profesional	Técnico/a en coidados auxiliares de enfermaría
Vogal suplente	Barril González, Javier	Persoal estatutario sanitario de formación profesional	Técnico/a en coidados auxiliares de enfermaría
Vogal suplente	García Moure, Mª Ángeles	Persoal estatutario sanitario de formación profesional	Técnico/a en coidados auxiliares de enfermaría