Con data do 31 de outubro de 2019, a Xunta de Goberno Local, en sesión ordinaria, adoptou o seguinte acordo de aprobación da oferta de emprego público 2019 (expediente 959/2019):
Primeiro. Aprobar a oferta de emprego público deste concello para o ano 2019, que contén os seguintes postos de traballo:
– Funcionarios de carreira.
Grupo segundo o artigo 76 do Real decreto lexislativo 5/2015: C. Subgrupo C1. Clasificación: escala de Administración xeral, subescala administrativa. Número de vacantes: 1. Denominación: administrativo. Acceso: provisión por promoción interna e concurso-oposición.
– Persoal laboral fixo.
Grupo segundo o artigo 76 do Real decreto lexislativo 5/2015: asimilado a agrupación profesional. Número de vacantes: 1. Denominación: conserxe-coordinador. Acceso: libre e concurso-oposición.
Segundo. Publicar a oferta de emprego de 2019 no taboleiro de anuncios do concello, así como na sede electrónica deste concello, no BOP de Pontevedra e no Diario Oficial de Galicia.
Terceiro. Convocar as prazas ofertadas en execución desta oferta de emprego do exercicio 2019 dentro do prazo improrrogable de tres anos, que se contará desde a data de publicación.
Caldas de Reis, 4 de novembro de 2019
Juan Manuel Rey Rey
Alcalde