A persoa titular da Xefatura da Área de Verteduras de Augas de Galicia ditou a proposta de resolución do expediente sancionador DH.D15.64269, por infracción da normativa en materia de verteduras de augas residuais.
Intentada a notificación da proposta de resolución por correo certificado con xustificante de recepción no domicilio que consta no correspondente expediente sancionador, esta foi devolta polo servizo de Correos. Por este motivo e de conformidade co artigo 44 da Lei 39/2015, do 1 de outubro, do procedemento administrativo común das administracións públicas, a notificación efectúase por medio dun anuncio publicado no Boletín Oficial del Estado (BOE), que previamente se publica no Diario Oficial de Galicia. En consecuencia, mediante este anuncio notifícase a proposta de resolucións ditada á persoa interesada, titular do NIF 76358468D.
Infórmase que o expediente sancionador se atopa á súa disposición nas oficinas de Augas de Galicia, situadas na praza de Camilo Díaz Baliño, 7-9, en Santiago de Compostela. Comunicáselle que en relación coa proposta de resolución sancionadora, cabe presentar alegacións perante a Área de Verteduras de Augas de Galicia no prazo de quince (15) días contado desde o día seguinte ao da publicación deste anuncio no BOE. No caso de non presentar alegacións, procederase a ditar resolución segundo o previsto na normativa vixente.
Santiago de Compostela, 22 de outubro de 2019
Teresa María Gutiérrez López
Directora de Augas de Galicia