Tipo e nº de recurso: RSU recurso de suplicación 3574/2019

Xulgado de orixe/autos: execución de títulos non xudiciais 29/2019 Xulgado do Social número 6 da Coruña

Recorrente: José Luis Paredes Maillo

Avogado/a: Pablo Romero Bedate

Recorrida: Asador Vaca Vella, S.L.

Eu, María Isabel Freire Corzo, letrada da Administración de xustiza da Sala do Social do Tribunal Superior de Xustiza de Galicia, fai saber que no procedemento de recurso de suplicación 3574/2019 desta sección, seguido por instancia de José Luis Paredes Maillo contra a empresa Asador Vaca Vella, S.L., sobre incidentes de execución, se ditou sentenza, con data 10 de outubro de 2019, cuxa parte dispositiva é a seguinte:

«Resolvemos:

Que desestimando o recurso de suplicación interposto pola letrada María Luisa Romero Pardavila, que actúa en nome e representación de José Luis Paredes Maillo, contra o auto do 30 de abril de 2019, ditado polo Xulgado do Social nº 6 da Coruña, en execución de títulos xudiciais nº 29/2019, seguidos por instancia da recorrente contra a empresa Asador Vaca Vella, S.L., debemos confirmar e confirmamos na súa integridade a resolución impugnada. Sen custas.

Notifíquese a presente resolución ás partes e ao Ministerio Fiscal.

Modo de impugnación: fáiselles saber ás partes que contra esta sentenza cabe interpor recurso de casación para unificación de doutrina, que se debe preparar mediante escrito presentado ante esta sala dentro do improrrogable prazo de dez días hábiles inmediatos seguintes á data da notificación da sentenza. Se o recorrente non ten a condición de traballador ou beneficiario do réxime público da Seguridade Social, deberá efectuar:

– O depósito de 600 € na conta de 16 díxitos desta Sala, aberta no Banco de Santander (Banesto) co nº 1552 0000 37, seguida de catro díxitos correspondentes ao nº do recurso e dous díxitos do ano.

– Así mesmo, se hai cantidade de condena, deberá consignala na mesma conta, pero co código 80 en vez do 37 ou ben presentar aval bancario solidario en forma.

– Se o ingreso se fai mediante transferencia bancaria desde unha conta aberta en calquera entidade bancaria distinta, haberá que emitila á conta de vinte díxitos 0049 3569 92 0005001274 e facer constar no campo “Observacións ou Concepto da transferencia” os 16 díxitos que corresponden ao procedemento (1552 0000 80 ou 37 **** ++).

Unha vez firme, expídase certificación para constancia na peza, que se arquivará neste tribunal e incorpórese o orixinal ao correspondente libro de sentenzas, logo de devolución dos autos ao xulgado do social de procedencia.

Así, por esta nosa sentenza, pronunciámolo, mandámolo e asinámolo».

E para que sirva de notificación en legal forma á empresa Asador Vaca Vella, S.L., en ignorado paradoiro, expido este edicto para a súa inserción no Diario Oficial de Galicia.

Advírtese á destinataria de que as seguintes comunicacións se farán fixando copia da resolución ou da cédula no taboleiro de anuncios da oficina xudicial, agás no suposto da comunicación das resolucións que sexan autos ou sentenzas, ou cando se trate de emprazamento.

A Coruña, 26 de novembro de 2019

A letrada da Administración de xustiza