No Diario Oficial de Galicia do 5 de xuño de 2019 publicouse, por Resolución reitoral do 22 de maio de 2019, a oferta pública de emprego de prazas de persoal de administración e servizos da Universidade da Coruña para o ano 2019. A devandita resolución ofertou, pola quenda de acceso libre, tres prazas da escala técnica de especialistas, subescala informática, subgrupo C1 (páxina 27165 do referido DOG).

Motivado polo reingreso dun funcionario en situación de excedencia voluntaria por interese particular da escala técnica de especialistas, subescala informática, subgrupo C1, produciuse unha diminución do número de postos vacantes para ofertar nun proceso selectivo.

Logo da negociación coa Xunta de Persoal do persoal de administración e servizos da Universidade da Coruña, e coa aprobación da Consellería de Facenda da Xunta de Galicia, con data do 16 de decembro de 2019, e aprobada no Consello de Goberno da Universidade na súa sesión do 17 de decembro de 2019, coa finalidade de non minorar a oferta global decídese modificar o anexo I e substituír unha praza da escala técnica de especialistas, subescala informática, subrupo C1 por outra vacante correspondente á escala técnica de especialistas, subescala construción, subgrupo C1, segundo consta no anexo.

A Coruña, 20 de decembro de 2019

O reitor da Universidade da Coruña
P.D. (Resolución do 12.1.2016)
Ramón del Valle López
Xerente da Universidade da Coruña

ANEXO

Escala	Subescala	Subgrupo	Nº de prazas
Escala técnica de grao medio	I+D	A2	1
	Deportes	A2	1
Escala técnica de especialistas	Actividades culturais	C1	1
	Química	C1	1
	Informática	C1	2
	Construción	C1	1
Escala administrativa da Universidade da Coruña	–	C1	6