O director da Axencia de Protección da Legalidade Urbanística acordou o 24 de outubro de 2019 comunicar a César Rodríguez López que no caso de non acreditar o cumprimento da Resolución do 19 de abril de 2014, ditada no expediente de reposición da legalidade urbanística número LUG/78/2013, iniciaríase a execución forzosa desta.

Ao non poderse realizar a notificación persoal daquela comunicación a César Rodríguez López, mediante o presente anuncio e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselle ao interesado a dita comunicación mediante un anuncio publicado no Boletín Oficial del Estado.

Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, comunícaselle ao interesado que o texto íntegro da comunicación que se notifica se encontra ao seu dispor nas dependencias da Axencia de Protección da Legalidade Urbanística, situadas en Salgueiriños, rúa dos Camiños da Vida, s/n, Edificio Witland, 1º andar, Santiago de Compostela, para a súa consulta no prazo de 10 días hábiles, contado desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.

Para que conste e lle sirva de notificación ao citado interesado, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.

Santiago de Compostela 13 de decembro de 2019

José Antonio Cerdeira Pérez
Director da Axencia de Protección da Legalidade Urbanística