En cumprimento da solicitude formulada polo Tribunal Superior de Xustiza de Galicia Sección Segunda-002, en que se ordena o emprazamento aos interesados, en relación co recurso contencioso-administrativo PO 4163/2019 interposto pola Asociación Ecolóxica Verdegaia, de acordo co artigo 49 da Lei 29/1998, do 13 de xullo, reguladora da xurisdición contencioso-administrativa, emprázanse cantos aparezan como interesados no procedemento de aprobación do documento de delimitación dos espazos e dos usos portuarios dos portos de Aguiño e Castiñeiras e das instalacións marítimas de Ameixida (Ribeira) (publicado no DOG número 72, do 12 de abril de 2019) para que poidan presentarse ante o Tribunal Superior de Xustiza de Galicia, Sección Segunda-002, no prazo de nove (9) días.
O que se fai publico para xeral coñecemento.
Santiago de Compostela, 17 de decembro de 2019
Susana Lenguas Gil
Presidenta de Portos de Galicia
ANEXO
Expediente: PO 4163/2019.
Demandante: Asociación Ecoloxista Verdegaia.
Demandado: Portos de Galicia.
Acto demandado: documento de delimitación dos espazos e dos usos portuarios dos portos de Aguiño e Castiñeiras e das instalacións marítimas de Ameixida (Ribeira).
Acto publicado: emprazamento aos interesados.