Mediante acordo plenario do 28 de novembro de 2019 prestouse aprobación definitiva o estudo de detalle nas parcelas 14-15-16 e 17 do polígono industrial do Milladoiro (Ames), promovido por Santiago Sur Galicia, S.L., documento subscrito polos arquitectos Álvaro Fernández Carballada e Beatriz Aneiros Filgueira, de data de outubro de 2018.
Se ben o acordo de aprobación definitiva se publica no DOG, a normativa e ordenanzas do referido documento serán publicadas no BOP.
Así mesmo, remitirase á Consellería de Medio Ambiente e Ordenación do Territorio, a documentación exixida polo artigo 88.3 da Lei do solo de Galicia, para os efectos de inscribir o estudo de detalle aprobado definitivamente, no Rexistro de Planeamento de Galicia.
En todo caso, de conformidade co previsto no artigo 199.4 do Regulamento da Lei do solo de Galicia, a eficacia do acto de aprobación definitiva e a entrada en vigor do estudo de detalle quedan condicionadas ao cumprimento dos anteriores trámites, e ao sinalado no artigo 70.2 da Lei 7/1985, do 2 de abril, reguladora das bases do réxime local, en relación co artigo 65.4 da mesma lei.
Contra o acordo de aprobación definitiva do citado estudo de detalle poderase interpoñer directamente recurso contencioso-administrativo ante o Tribunal Superior de Xustiza de Galicia, no prazo de dous meses, contados a partir do día seguinte ao da publicación deste anuncio.
O texto do documento aprobado definitivamente pode ser consultado no seguinte enderezo electrónico: www.concellodeames.gal, dentro do Portal de Transparencia.
Ames, 30 de decembro de 2019
José M. Miñones Conde
Alcalde