A Dirección do Centro Universitario da Defensa (en diante, CUD) na Escola Naval Militar de Marín (en diante, ENM), no uso das súas competencias, e de acordo coa Resolución 452/38051/2019, do 15 de febreiro, da Subsecretaría de Defensa, pola que se publica o Acordo do Consello de Ministros, do 21 de decembro de 2018, polo que se dá aplicación á previsión da disposición adicional vixésimo quinta da Lei 6/2018, do 3 de xullo, de orzamentos xerais do Estado para o ano 2018, respecto da autorización da oferta de emprego público de vinte e nove (29) prazas de persoal docente nos centros universitarios da defensa, así como co Real decreto 211/2019, do 29 de marzo, polo que se aproba a oferta de emprego público para o ano 2019, resolve convocar concurso público, polo procedemento de urxencia, para cubrir as necesidades docentes existentes mediante a contratación en réxime laboral de persoal docente, para as seguientes categorías:

Categoría do profesor	Número de prazas
Profesor contratado doutor	2

Este concurso rexerase polo disposto na Lei orgánica 6/2001, do 21 de decembro, de universidades (LOU), modificada pola Lei orgánica 4/2007, do 12 de abril, así como polo Real decreto 898/1985, do 30 de abril, sobre réxime do profesorado universitario; a Lei 39/2015, do 1 de outubro, do procedemento administrativo común das administracións públicas (en diante, Lei 39/2015), a Lei 40/2015, do 1 de outubro, de réxime xurídico do sector público (en diante, Lei 40/2015), e pola normativa reguladora do procedemento para a provisión de prazas de persoal docente e investigador do CUD na ENM, aprobada na reunión do Padroado do 8 de marzo de 2010.

A información completa (bases da convocatoria, modelo de solicitude, etc.) pódese consultar no taboleiro de anuncios do Centro Universitario da Defensa na Escola Naval Militar (Praza de España, s/n, 36920, Marín, Pontevedra) así como na páxina web do Centro Universitario da Defensa (http://cud.uvigo.es – Persoal – Persoal docente e investigador (PDI) – Concursos de profesorado – Concursos actuais).

O prazo de presentación de solicitudes é de vinte días hábiles, contados a partir do día seguinte ao da publicación deste anuncio no Diario Oficial de Galicia, e debense dirixir ao director do Centro Universitario da Defensa no modelo oficial, obrigatoriamente acompañadas dos documentos acreditativos previstos na convocatoria.

Marín, 13 de xaneiro de 2020

José María Pousada Carballo
Director do Centro Universitario da Defensa
na Escola Naval Militar de Marín