Mediante a Resolución da concelleira delegada de Economía, Facenda e Recursos Humanos, número 2628/2019, do 23 de decembro de 2019, resolveuse o seguinte:
Primeiro. Resolver a convocatoria de concurso para a provisión dos postos de traballo vacantes no Concello de Cambre, de policía local e capataz brigada de obras, aprobada mediante a Resolución do concelleiro delegado da Área de Recursos Humanos, Servizos Sociais e Educación, do 27 de xullo de 2018, e número 1531/2018.
Segundo. Adxudicarlles aos funcionarios que se relacionan no anexo desta resolución os postos de traballo indicados, de conformidade coa relación de postos de traballo do Concello de Cambre.
Terceiro. O prazo para a toma de posesión do novo destino será de tres días hábiles se o posto de traballo radica na mesma localidade, ou dun mes se radica nunha localidade distinta a partir do seguinte ao do cesamento, de conformidade co establecido na base novena das que rexen a convocatoria.
O cesamento no destino actual do persoal que obtivo praza producirase no prazo de tres días hábiles, contados a partir do seguinte ao da data de publicación desta resolución no Diario Oficial de Galicia.
Para todos os efectos, o prazo de posesión considerarase como de servizo activo e os efectos económicos e administrativos no novo destino comezarán desde a data de cesamento no de procedencia.
Cuarto. Publicar esta proposta no Diario Oficial de Galicia e na páxina web municipal.
Cambre, 26 de decembro de 2019
O alcalde
P.D. (Resolución 1323/2019, do 1 de xullo)
María Dolores Pan Lesta
Concelleira delegada da Área de Economía, Facenda e Recursos Humanos
ANEXO
Posto |
Unidade organizativa |
Servizo |
Apelidos e nome |
Policía local |
Seguridade |
Policía Local |
Julio Rafael Framil Pérez |
Capataz brigada de obras |
Obras e Servizos |
Brigada Obras |
Francisco Manuel López Álvarez |