Descargar PDF Galego | Castellano| Português

DOG - Xunta de Galicia -

Diario Oficial de Galicia
DOG Núm. 14 Mércores, 22 de xaneiro de 2020 Páx. 3712

VI. Anuncios

b) Administración local

Concello de Cualedro

ANUNCIO de información pública do Plan parcial do solo urbanizable non delimitado SUND-01 A Brea e o estudo ambiental estratéxico.

O Pleno deste concello, en sesión celebrada o 14 de novembro de 2019, adoptou o seguinte acordo:

«Primeiro. Aprobar inicialmente o Plan parcial do solo urbanizable non delimitado SUND-01 A Brea e o estudo ambiental estratéxico.

Segundo. Publicar na web municipal o acordo de aprobación inicial e o documento aprobado.

Terceiro. Conforme o artigo 75 da Lei 2/2016, do solo de Galicia, someter o documento a información pública durante dous meses, mediante anuncio que se publicará no Diario Oficial de Galicia e nun dos xornais de maior difusión na provincia. O expediente estará exposto ao público na Casa do das 9.00 as 14.00 horas durante o prazo de información pública.

Cuarto. Notificar individualmente a todas as persoas titulares catastrais dos terreos afectados.

Quinto. Solicitar ás administracións públicas competentes os informes sectoriais e consultas que resulten preceptivas».

En cumprimento do disposto anteriormente, sométese a información pública o Plan parcial do solo urbanizable non delimitado SUND-01 A Brea e o estudo ambiental estratéxico, polo prazo de dous meses contado a partir da publicación deste anuncio no Diario Oficial de Galicia.

Durante o referido prazo, calquera persoa poderá examinar o documento, en horario de oficina, nas dependencias da Casa do Concello de Cualedro, sita na avda. de Portugal, 8 de Cualedro, ou na paxina web do Concello de Cualedro (www.cualedro.es) e formular as alegacións, documentos e xustificacións que se consideren pertinentes.

Consonte o establecido no artigo 47 da Lei 2/2016, do 10 de febreiro, do solo de Galicia, e o artigo 86.2 do seu regulamento, aprobado polo Decreto 143/2016, do 22 de setembro (RLSG), o acordo de aprobación inicial determinará por si só a suspensión do outorgamento de licenzas de parcelación, edificación e demolición no ámbito do territorio obxecto do plan parcial cuxas novas determinacións supoñan a modificación da ordenación urbanística vixente.

O ámbito do Plan parcial do solo urbanizable non delimitado SUND-01 A Brea do Concello de Cualedro, que abrangue 16,03 ha na zona a carón do enlace da A-52 en Lamas.

A delimitación do ámbito correspóndese co fixado nos planos de información e ordenación.

Asemade, na memoria do Plan parcial inclúese a relación de parcelas catastrais que abranguen o ámbito do devandito plan.

De acordo co establecido no artigo 86.3 do Regulamento da Lei 2/2016, do 10 de febreiro, do solo de Galicia, a suspensión de licenzas non afectará:

a) As obras de mantemento, conservación e reforma, salvo no caso de obras de rehabilitación integral que sexan equiparables á reconstrución total do edificio non xustificadas en razóns de urxencia ou que supoñan un aumento do volume edificado.

b) As licenzas de primeira ocupación.

c) Os proxectos que cumpran simultaneamente o instrumento de planeamento en vigor e o Plan especial aprobado inicialmente.

d) Os actos suxeitos ao trámite de comunicación previa, sempre e cando se trate de obras ou actos para a implantación de usos ou actividades autorizados polo novo planeamento.

A suspensión de licenzas terá unha duración máxima de dous anos contando desde a aprobación inicial do plan especial e, en calquera caso, extinguirase coa aprobación definitiva do planeamento.

Mentres dure a suspensión de licenzas, poderán autorizarse usos e obras provisionais nos termos do artigo 89 da Lei 2/2016, do 10 de febreiro, e do artigo 204 do regulamento.

Cualedro, 2 de xaneiro de 2020

Luciano Rivero Cuquejo
Alcalde