No Boletín Oficial da provincia nº 248, do 30 de decembro de 2019, publicáronse as bases xerais e específicas de varios procesos selectivos convocados para cubrir os seguintes postos vacantes no cadro de persoal laboral fixo da Deputación de Pontevedra (corrección de erros BOPPO nº 5, do 9 de xaneiro de 2020), incluídos na oferta de emprego público do ano 2018:

– Tres postos de traballo de auxiliar de Xestión Tributaria e información, clasificados no grupo equivalente ao C2, pola quenda libre. Reservados para persoas con discapacidade.

– Vinte e un postos de traballo de auxiliar de Xestión Tributaria e información, clasificados no grupo equivalente ao grupo C2, pola quenda libre.

O prazo de presentación de solicitudes será de vinte (20) días naturais, contados desde o día seguinte ao da publicación deste anuncio no Boletín Oficial del Estado.

Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia.

Pontevedra, 9 de xaneiro de 2020

A presidenta da Deputación Provincial de Pontevedra
P.D. (Resolución nº 2019014186, do 1.8.2019)
Carlos López Font
Deputado delegado da Área de Réxime Interior, Economía,
Facenda, Novas Tecnoloxías e ORAL