No Boletín Oficial da provincia nº 248, do 30 de decembro de 2019, publicáronse as bases xerais e específicas de varios procesos selectivos convocados para cubrir as seguintes prazas vacantes no cadro de funcionarios da Deputación de Pontevedra (corrección de erros BOPPO nº 5, do 9 de xaneiro de 2020), incluídas nas ofertas de emprego público dos anos 2016 e 2019:
– Unha praza de técnico/a superior, encadrada na escala de Administración especial, subescala técnica, clase superior, integrada no grupo A1, pola quenda de promoción interna.
– Unha praza de vixilante, encadrada na escala de Administración especial, subescala servizos especiais, clase persoal de oficios, integrada no grupo C1, pola quenda de promoción interna.
– Unha praza de condutora ou condutor maquinista, integrada no grupo C2 da escala de Administración especial, subescala servizos especiais, pola quenda de promoción interna.
O prazo de presentación de solicitudes será de vinte (20) días naturais, contados desde o día seguinte ao da publicación deste anuncio no Boletín Oficial del Estado.
Os sucesivos anuncios referentes a esta convocatoria, cando proceda de conformidade coas bases, faranse públicos no Boletín Oficial da provincia.
Pontevedra, 9 de xaneiro de 2020
A presidenta da Deputación Provincial de Pontevedra
P.D. (Resolución nº 2019014186, do 1.8.2019)
Carlos López Font
Deputado delegado da Área de Réxime Interior, Economía,
Facenda, Novas Tecnoloxías e ORAL