Advertidos erros na dita orde, publicada no Diario Oficial de Galicia número 225, do 26 de novembro de 2019, cómpre efectuar as seguintes correccións:
Na páxina 50274 e 50275, onde di:
«I. Normas xerais.
I.1. O obxecto do proceso selectivo será cubrir sesenta e cinco (65) prazas, no corpo de xestión da Administración xeral da Comunidade Autónoma de Galicia, subgrupo A2, correspondentes á oferta de emprego público do exercicio 2019, á cal se acumulan as provenientes da oferta de 2018, segundo se detalla:
– Oferta de emprego público do exercicio 2018, aprobada polo Decreto 160/2018, do 13 de decembro (DOG núm. 239, do 17 de decembro): vinte e unha (21) prazas de acceso libre, das cales unha (1) está reservada á quenda de persoas con discapacidade. Seis (6) prazas do proceso de estabilización, das cales unha (1) está reservada á quenda de persoas con discapacidade. E tres (3) prazas do proceso de consolidación do persoal indefinido non fixo (segundo se indica no anexo IV).
– Oferta de emprego público do exercicio 2019, aprobada polo Decreto 33/2019, do 28 de marzo (DOG núm. 67, do 5 de abril): vinte e nove (29) prazas de acceso libre, das cales dúas (2) están reservadas á quenda de persoas con discapacidade. Catro (4) prazas do proceso de estabilización. E dúas (2) prazas do proceso de consolidación do persoal indefinido non fixo (segundo se indica no anexo IV)».
Debe dicir:
«I. Normas xerais.
I.1. O obxecto do proceso selectivo será cubrir sesenta e catro (64) prazas, no corpo de xestión da Administración xeral da Comunidade Autónoma de Galicia, subgrupo A2, correspondentes á oferta de emprego público do exercicio 2019, á cal se acumulan as provenientes da oferta de 2018, segundo se detalla:
– Oferta de emprego público do exercicio 2018, aprobada polo Decreto 160/2018, do 13 de decembro (DOG núm. 239, do 17 de decembro): vinte e unha (21) prazas de acceso libre, das cales unha (1) está reservada á quenda de persoas con discapacidade. Seis (6) prazas do proceso de estabilización, das cales unha (1) está reservada á quenda de persoas con discapacidade. E tres (3) prazas do proceso de consolidación do persoal indefinido non fixo (segundo se indica no anexo IV).
– Oferta de emprego público do exercicio 2019, aprobada polo Decreto 33/2019, do 28 de marzo (DOG núm. 67, do 5 de abril): vinte e nove (29) prazas de acceso libre, das cales dúas (2) están reservadas á quenda de persoas con discapacidade. Catro (4) prazas do proceso de estabilización. E unha (1) praza do proceso de consolidación do persoal indefinido non fixo (segundo se indica no anexo IV).
Na páxina 50302, elimínase da fila 5 a praza co código PEC040000015770105, ao atoparse convocada no proceso selectivo extraordinario de consolidación para o ingreso na categoría 007 do grupo II, titulado/a grao medio, de persoal laboral fixo da Xunta de Galicia, convocado pola Orde do 22 de novembro de 2019 (DOG número 225, do 26 de novembro de 2019)».
