Advertidos erros na dita orde, publicada no Diario Oficial de Galicia número 225, do 26 de novembro de 2019, cómpre efectuar as seguintes correccións:

Na páxina 50212, onde di:

«I. Normas xerais.

I.1. O obxecto do proceso selectivo será cubrir corenta e tres (43) prazas, na categoría 004 do grupo I, titulada/o superior, de persoal laboral fixo da Xunta de Galicia, correspondentes á oferta de emprego público do exercicio 2018, a que se acumulan as provenientes da oferta de 2017, segundo o que se detalla no Anexo IV desta convocatoria e que se indican a continuación:

– Oferta de emprego público do exercicio 2017, aprobada polo Decreto 124/2017, do 30 de novembro (DOG núm. 234, do 12 de decembro): corenta (40) prazas de consolidación, das que unha (1) está reservada á quenda de persoas con discapacidade».

Debe dicir:

«I.1. O obxecto do proceso selectivo será cubrir corenta e unha (41) prazas, na categoría 004 do grupo I, titulada/o superior, de persoal laboral fixo da Xunta de Galicia, correspondentes á oferta de emprego público do exercicio 2018, a que se acumulan as provenientes da oferta de 2017, segundo o que se detalla no anexo IV desta convocatoria e que se indican a seguir:

– Oferta de emprego público do exercicio 2017, aprobada polo Decreto 124/2017, do 30 de novembro (DOG núm. 234, do 12 de decembro): trinta e oito (38) prazas de consolidación, das que unha (1) está reservada á quenda de persoas con discapacidade».

Na páxina 50243, elimínase da fila 32 a praza co código MAC991000036001150.

Na páxina 50243, elimínase da fila 42 a praza co código EIC992090136030050, ao atoparse duplicada na fila 22.