O Pleno municipal, na sesión que tivo lugar o 5 de decembro de 2019, adoptou, entre outros, o seguinte acordo:
Primeiro. Aprobar o cambio de uso na parcela municipal localizada na estrada dos Fortes, 14, con referencia catastral 5725706NJ4052N0001EO, outorgada en concesión demanial gratuíta á Fundación ADCOR, do uso administrativo de titularidade pública AD (Pb) previsto no Plan xeral de ordenación municipal vixente, ao uso asistencial e sanitario de titularidade pública AS+SN (Pb).
Segundo. Publicar este acordo no Diario Oficial de Galicia e no Boletín Oficial da provincia.
Terceiro. Remitir o documento aprobado á Consellería de Medio Ambiente, Territorio e Vivenda da Xunta de Galicia para os efectos do seu coñecemento.
O contido íntegro do cambio de uso aprobado pódese consultar nas dependencias municipais de Urbanismo, no enderezo electrónico coruna.gal/urbanismo na epígrafe Planeamiento/planeamiento vigente, ou ben, desde a mesma web, a través do visor estado desarrollo PXOM 2013.
Contra este acordo, con carácter de disposición administrativa de carácter xeral, pódese interpoñer directamente recurso contencioso-administrativo, ante a sala correspondente do Tribunal Superior de Xustiza de Galicia (artigo 84.1 da Lei 2/2016, do 10 de febreiro, do solo de Galicia, e artigo 201.1 do seu regulamento), no prazo de dous meses que se contarán a partir do día seguinte ao da publicación deste anuncio, de conformidade co artigo 46 da Lei 29/1998, do 13 de xullo, reguladora da xurisdición contencioso-administrativa, sen prexuízo de interpoñer calquera outro recurso que se entenda máis procedente e sexa conforme dereito.
A Coruña, 20 de decembro de 2019
A alcaldesa
P.D. (Decreto 3847/2019, do 27.6.2019)
María Hernández García
Directora da Área de Urbanismo