O director da Axencia de Protección da Legalidade Urbanística acordou, o 21 de novembro de 2019, incoar expediente de reposición da legalidade urbanística polas obras de construción dunha planta alta nova sobre unha planta baixa anteriormente existente e pola realización doutra construción auxiliar situadas no lugar da Devesa, no termo municipal do Barco de Valdeorras, provincia de Ourense.
Ao non poderse realizar a notificación persoal daquel acordo aos herdeiros de Miguel López Álvarez e a Manuela García Carracedo, mediante este anuncio, e ao abeiro do disposto no artigo 44 da Lei 39/2015, do 1 de outubro, do procedemento administrativo común das administracións públicas, notifícaselles aos interesados o dito acordo mediante un anuncio publicado no Boletín Oficial del Estado.
Tendo en conta que, en atención ao previsto no artigo 46 da Lei 39/2015, do 1 de outubro, do procedemento administrativo común das administracións públicas, o acto non se publica na súa integridade, comunícaselles aos interesados que o texto íntegro do acordo que se notifica está ao seu dispor nas dependencias da Axencia de Protección da Legalidade Urbanística, sita no Edificio Witland, 1º andar, Salgueiriños, en Santiago de Compostela, para a súa consulta no prazo de dez (10) días hábiles, que se contarán desde o día seguinte ao da publicación deste anuncio no Boletín Oficial del Estado. Transcorrido o dito prazo, a notificación entenderase producida.
Os interesados dispoñen dun prazo de quince (15) días, contados a partir do día seguinte a aquel en que se producise a notificación deste anuncio, para presentaren os documentos e xustificacións que consideren pertinentes e, se é o caso, proporen proba concretando os medios de que pretendan valerse.
Para que conste e lles sirva de notificación aos citados interesados, en cumprimento do disposto no artigo 44 da Lei 39/2015, do 1 de outubro, do procedemento administrativo común das administracións públicas, expido e asino este anuncio.
Santiago de Compostela, 3 de febreiro de 2020
José Antonio Cerdeira Pérez
Director da Axencia de Protección da Legalidade Urbanística
