No Boletín Oficial da provincia de Pontevedra (BOP) número 15 do xoves 23 de xaneiro de 2020, publicáronse as bases xerais e específicas que rexen a convocatoria para o acceso a unha praza vacante de técnico/a superior en Enxeñaría Informática na OEP 2017.

A concelleira delegada do Servizo de Persoal e Cultura convocou, mediante Resolución do 13 de xaneiro de 2020, o proceso selectivo para a cobertura dunha praza vacante de técnico/a superior en Enxeñaría Informática da OEP 2017 que a continuación se sinala:

– Grupo segundo o artigo 76 do texto refundido do estatuto básico do empregado público: A. Subgrupo A1. Clasificación: escala de Administración especial, subescala técnica, clase técnicos superiores. Número de vacantes: 1. Denominación: técnico superior en Enxeñaría Informática.

O prazo de presentación de instancias será de vinte días naturais contados a partir do día seguinte ao da publicación do presente anuncio no Boletín Oficial del Estado, publicándose os sucesivos anuncios no Boletín Oficial da provincia de Pontevedra e no taboleiro de edictos da Corporación nos termos establecidos nas bases.

Pontevedra, 28 de xaneiro de 2020

O alcalde
P.D. (Acordo da Xunta de Goberno Local do 15.6.2019)
María del Carmen Fouces Díaz
Concelleira delegada do Servizo de Persoal e Cultura